Xuutiyiinta Oo Beegsiga Maraakiibta Ee weerarradoodu Gaadheen Badda Mediterranean.
By Arraale M Jama Freelance Journalist and Human Rights activist.
ku akhri 2min
#Araweelo_News_Network.
Yemen, Sana’a (ANN)-Taliska Ciidamada Maraykanka (CENTCOM) ayaa sheegay innay si guul ah u burburiyeen mid ka mid ah nidaamka hawada sare ee aan duuliyaha lahayn (UAS) oo dul marayay Badda Cas, taasoo laga soo riday dhulka Xuutiyiinta ee Yemen.
Dagaalyahanka Xuutiyiinta ee maamula inta baddan dalka Yemen oo dawlad dibad-joog ah loo dhisay, ayaa taageero ka hela Xukuumadda Kacaanka Islaamiga ah ee Iran, waxayna kooxdu weerarro aan kala joogsi lahayn ku hayaan Maraakiibta Badda Cas, Gacanka cadmeed iyo weliba Badweynta India iyo xataa
“Waxaa la go’aamiyay in UAS ay soo bandhigtay khatar ku wajahan maraakiibta ganacsiga ee gobolka,” CENTCOM ayaa sharraxday.
Horaantii, Xuutiyiintu waxay sheegeen Isniintii inay weerar ku qaadeen saddex markab oo ku sugan Badweynta Hindiya iyo Badda Cas, iyo laba ka mid ah maraakiibta wax burburisa ee Maraykanka ee ku sugan Badda Cas iyo weliba Badda Mediterranean.
Weerarada ay ku hayaan Maraakiibta ayay ku tilmaameen innay yihiin kuwo ay Falastiiniyiintu ku garab taagan yihiin, iyagoo ka jawaabaya dagaalka Israa’iil ee Qaza, kaas oo Israel ku geysatay xasuuq iyo go’doomin, isla markaana sababay bur-bur iyo duqayn aan loo meel deyin.
Xuutiyiinta ayaa sheegay in maraakiibta ay weerarreen kala yihiin Vessel LARGO DESERT iyo MSC Mechela oo marayay Badweynta Hindiya iyo Minerva Lisa oo marayay Badda Cas. laakiin lama xusin halka ay ku sugnaayeen Maraakiibta Maraykanka ee wax bur-buriya. .
Ma jiro wax war ah oo ka soo baxay shirkadaha maraakiibta iyo ciidamada Maraykanka oo la xidhiidha weeraro ka dhacay deegaanadaas.
Dhinaca kale, Afhayeenka ciidamada Xuuthiyiinta Yahya Saree, ayaan ka hadlin xilliga ay weeraradaasi dhaceen, sida ay sheegtay The Jerusalem Post, Balse khudbad uu ka jeediyay Talefishinka ayaa lagu sheegay in Xuutiyiintu ku garaacday Gantaalo maraakiibta iyo diyaaraddaha aan duuliyaha lahayn ee Maraykanka.
Xuutiyiinta, ayaa Diyaaraddaha aan duuliyaha lahayn iyo gantaalada ku garaacay gobolka, waxayna tan iyo bishii November weeraro isdaba joog ah ku qaaday diyaaraddaha aan duuliyaha lahayn iyo gantaalaha ee gobolka Badda Cas, iyagoo markii dambe isku fidiyay Badweynta Hindiya. Waxay sheegtay inay weerari doonto maraakiib kasta oo u shiraacda dekedaha Israa’iil iyo xullufadda Maraykanka, waxayna xitaa weerarradoodu gaadheen Badda Mediterranean.
Weerarrada ayaa ku qasbay maraakiibta in ay dib u jiheeyaan shixnaddaha safarka dheer iyo kuwa qaaliga ah ee Koonfurta Afrika, waxayna arrintan kicisay cabsida laga qabo in dagaalka Israel iyo Xamaas uu sii fido oo uu xasilooni daro ku keeno Bariga Dhexe, iyadoo uu durba saameeyay isu socodka ganacsiga aduunka.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com