Hargeysa(ANN)-Madaxa Uk ee Xafiiska Ingiriiska ee Hargeysa, Stuart Brown, ayaa ka hadlay saxaafada Somaliland ee xilligan, wuxuuna dhaliil u jeediyay xarumaha Warbaahinta Somaliland oo uu sheegay inay ka maqantahay Tafaftirka iyo dhaqanka suxufinimo.

Madaxa Xafiiska Dawladda Britain ee Somaliland, Mr. Stuart Brown, oo ka qaybgalay munaasibad tododobaadkii hore Jaamacada Hargeysa ka dhacday oo xaflad loogu qabatay 35 Arday oo dhamaysatay barashada Saxaafada, kuwaas oo muddo sannad ah ka baranayay Jaamacadda aqoonta mihnada Saxaafada, isla markaana la guddoonsiiyay shahaadooyinka professional journalism

Mr. Stuart Brown oo dawladiisu maalgelisay mashruucaa, ayaa Hambalyo u dirayaa fasalka koowaad ee, Ardayda 35 ah ee Somaliland ee la gudoonsiiyay shahaadooyinka professional journalism, wuxuuna u rajeeyay inay wax ka bedelaan qaabka ay Saxaafada Somaliland tahay oo ay muujiyaan isbedel.

Madaxa Xafiiska Dawladda Britain ee Somaliland, Mr. Stuart Brown, ayaa Bartiisa Twitter-ka ku qoray in halkan (Somaliland) ay adagtahay inaad wariye ka noqoto halkan. wuxuuna ku sababeeyay xadhiga Suxufiga oo badab iyo sidoo kale, iyadoo xarumaha warbaahineed ay ka maqan shaqada tifaftirka; taas oo sababtay in habdhaqanka suxufigu noqdo mid liita, isla markaana uu wiiqay xirfadda Suxufinimo. Balse waxa uu xusay in Uk ku hanweyntahay taageerada sidii loo bedeli lahaa taas.