Araweelo News Network
Hargeysa(ANN)Xukuumada somaliland ayaa baaq qaylo dhaan ah ka soo saartay xaalada abaareed ee dalku ku jiro xiligan.
Baaqan oo ku saabsan waxyeelada ay abaartu gaysatay oo taageero lagaga dalbanayo beesha caalamka isla markaana uu ku saxeexan yahay Wasiirka Wasaarada Warfaafinta Somaliland Md Cismaan Cabdilaahi Saxardiid (Cadaani) ayaa u dhignaa sidan.
 
Guud ahaanba waxa dalka Somaliland ka jira abaaro baahsan oo sadex jirsaday gaar ahaana gobolada bariga iyo galbeedka oo ay abaaruhu si baan u saameeyeen isla markaana ay sababeen in dhamaan xoolihii la dhaqan jiray ay ka baxeen dadka oo anay waxba ku hadhin habayaraatee, sidoo kalena dadka qaar ay u dhinteen macaluul iyo biyo laaan, intooda kalena ay geeri qarka u saran yihiin noloshooduna haatan ay marayso meel aad u adag oo u baahan gurmad biniaadaminimo oo caalami ah.
 
Sidaa darteed, xukuumada Jamhuuriyadda Somaliland waxa ay ugu baaqaysaa dalalka deeqaha bixiya, hayadaha caalamiga ah, kuwa qaramada midoobay, kuwa gobolka, kuwa gudaha, ganacsatada iyo dhammaan bulshada Somaliland in loo baahan yahay taakulayn iyo gurmad degdeg ah oo lagu samato bixiyo dadkaasi oo ay xaaladoodu marayso meel aad u halis ah oo aan la eegan Karin
 
ALLAA MAAHD LEH
Cusmaan C/laahi Saxardiid (Caddaani)
Wasiirka Wasaaradda Warfaafinta Dh. Iyo wacyigelinta