“Xadhiga Ramaax waxaa loo maray sharciga, waxaana loo jaray Waaran,” Gaashaanle sarre Faysal Xiis

Hargeysa(ANN)-Xukuumadda Somaliland, ayaa ka hadashay Xadhiga Xoghayihii Arrimaha Gudaha ee Xisbiga UCID, Maxamuud Cali Saleebaan Ramaax oo maanta Xabsiga loo taxaabay.

Afhayeenka Ciidanka Booliska Somaliland, Gaashaanle sarre Faysal Xiis oo galabta warbaahinta kula hadlay Xarunta CID, ee baadhista Denbiyada, ayaa sheegay in Maxamuud Cali Saleebaan Ramaax loo xidhay denbi shaqsi ah, kadib markii sida uu sheegay uu Ramaax Aflagaado iyo ceebayn u geystay Guddiimiyaha Golaha Wakiiladda Baashe Maxamed Faarax.
Gaashaanle sarre Faysal Xiis, wuxuu sheegay in Ramaax yidhi, Guddoomiye Baashe wuxuu xidhiidh la leeyahay dad cadaw ku ah Somaliland, waana fal-denbiyeed, waana denbiga uu ku xidhanyahay ayuu yidhi, wuxuuna xusay in denbigaas sida ay dhigayaan qodobada 268 XQ iyo 385XQ, sidaa awgeed la horgeynayo Maxatsalkiamadda iyo xeer-ilaalinta awooda u leh, balse Taliye Faysal, wuxuu sheegay in waxyaabaha kale ee Ramaax sheegayo maaha waxaan ognahay ayuu yidhi, Faysal Xiis.