Wafdigii ka socday Ururada iyo Hay’addaha Caalamiga ah ee ku bahoobay Ururka loo yaqaanno Somali Media Support Group (SMSG) ee Taageeridda Saxaafadda Soomaalida ee Somaliland iyo Somalia oo booqasho ku yimi shalay Somaliland, ayaa hore ula kulamay Ururka Suxufiyiinta Somaliland ee SOLJA.
Waxayna xubnaha Wafdigu saaka booqdeen xarunta Wasaaradda Warfaafinta, Dhaqanka iyo Dalxiisaka Somaliland, iyadoo halkaa ku soo dhaweeyey wasaaradda wasiirka warfaafinta Mudane Cadillaahi Maxamed Daahir Cukuse iyo wasiir-ku-xigeenka wasaaradda Marwo Shukri Xariir Ismail. Waxayna ugu xogwarrameen gaar ahaan ahmiyadda iyo kaalinta wasaaradda Warfaafinta iyo wacyigelinta iyo guud ahaan saxaafadda Somaliland. Waxayna warbixin ka siiyeen siyasadda dawladda ee xagga warbaahinta iyo mashaariicda horumarinta Saxaafadda, abaabulka sharciyada iyo anshxa saxaafadda, baahida hrorumarinta saxaafadda iyo tababarrada suxufiyiinta Somaliland.
Wafdigaasi Caalamiga oo uu hoggaaminayey Jaco Du Toit oo ka tirsan Hay’adda UNESCO isla markaana madaxweyne ka ah Ururka ay ku bahoobeen hay’addaha Caalamiga ah ee saxaafadda caawiye ee SMSG waxa kale oo la socdey xubno ka tirsan ururrada UN iyo EU xafiisyadooda qaabilsan Soliland iyo Somalia, iyo Ururka ccaalamiga ah ee taakulanta saxaafadda ee loo yaqaan IMS, Ururka u dooda xuquuqda saxaafadda ee CPJ, heyadda INterpeace, Heyadda UNDP, UNSOM, iyo khubaro xagga saxaafadda oo ka socda UK.
Xubnaha SMSG oo iyana ka hadlay kulanka ayaa sheegay inay u socdaan xog-baadh ku saabsan baahida saxaafadda Somaliland iyo dhinacyada ay ka caawin karaan, waxayna intaasi ku dareen inay ku faraxsan yihiin rajaynayaanna inay wada-shaqayn iyo xidhiidh joogto ah la yeeshaan wasaaradda warfaafinta, heyadaha iyo ururada saxaafadda iyo guud ahaan suxufiyiinta Somaliland.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews