Muqdisho(ANN)Ergayg khaaska ah ee Xoghayaha Guud ee Qaramada Midoobay u Qaabilsan Somalia, Sir. Nicholas Kay, ayaa ka hadlay xubnaha doorashooyinka la filayo inay Somalia ka qabsoomaan 2016, oo Baarlamaanka Somalia ansixiyay maanta.
Sagaal Xubnood oo loo magcaabay inay maamulaan doorashooyinka loo qorsheeyay Somalia ee mala awaalka ah, ayaa Baarlamaanka Somalia ku meel mariyeen cod, waxaana arrintaa ka hadlay Wakiilka Qaramada Midoobay ee Somalia, isla markaana ah ergayga khaaska ah ee Xoghayaha Qaramada Midoobay.
Sir. Nicholas Kay, wuxuu arrintaa kaga hadlay qoraal kasoo baxay Xafiiska UNISOM Somalia, wuuxuna soo dhoweeyay ansaxinta uu baarlamaanka Federaalka ansixiyay, sagaalka xubnood ee Guddiga Maddax Banaan ee Dooroshooyinka Qaranka.
Qoraalka Sir. Nicholas kaga hadlay arrintaa ayaa u dhignaa sidan:-
“Magacaabista Guddiga Madaxbanaan ee Doorashooyinka Qaranka waaa guul aad muhiim u hah (kuna qotonta) ujeedooyinkii lagu gaari lahaa Nabada iyo Qaran dhisiduba- Ujeedooyinkaas oo ku qorn barnaamijka Hiigsiga Soomaaliyeed”, ayuu yiri Ergayga Gaarka ah. “Baarlamaanka Federaalka wuxuu ka ciyaaray door muhiim ah sidii Lagu dhisi lahaa Guddiga Maddax Banaan ee Doorashooyinka Qaranka taas oo waafaqsan Dastuurka Federaalka ee Ku-meelgaarka ah. Waxaan si dhakhso leh ooga dhursugaynaa in Guddigani si dhakhso leh loo dhiso, korna loogu qaado awoodiisa waxqabad, sida dhisidda Xoghayta guddiga.”
Qaramada Midoobay waxay diyaar u tahay in ay kala shaqayso Dowladda Federaalka Soomaaliyeed sidii gudigan loogu suurta gelin lahaa in uu howshiisa u bilaabo si dhakhso ah.
DHAMAAD
Get updates from UNSOM:
www.unsom.unmissions.org
@UNSomalia
facebook.com/UNSomalia
flickr.com/photos/unsom