#Araweelo_News_Network
Hargeysa (ANN)-Madaxweynaha Jamhuuriyadda Somaliland Cabdiraxmaan Maxamed Cabdullaahi (Cirro) ayaa Qasriga Madaxtooyada kulan muhiim ah kula yeeshay Safiirka Dawladda Turkiga u fadhiya Jamhuuriyadda Somaliland & Soomaaliya Danjire ππ₯π©ππ« ππ€ππΕ iyo wefti uu hoggaaminayay.
Kulanka kaddib War-saxaafadeed uu soo saaray Afhayeenka Madaxweynaha Xuseen Aadan Cige Deyr ayaa lagu sheegay in Madaxweynaha Somaliland iyo wefdiga uu hoggaaminayay Ambassador ππ₯π©ππ« ππ€ππΕ ay ka wada hadleen arrimo badan oo mudnaan u leh labada dhinac, kuwaas oo la xidhiidha xoojinta iskaashiga u dhexeeya labada Jamhuuriyadood ee Somaliland iyo Turkiga.
βDanjiraha Turkigu waxa uu Madaxweynaha JSL ku bogaadiyey guushii uu ka gaadhay Tartankii Doorashashoyinkii Madaxtooyada 13 Nov 2024, isaga oo qiray bisaylka hannaanka dimuqraadiyadda ee ka hirgalay Somaliland iyo sida ilbaxnimada leh ee ay reer Somaliland ula kala wareegeen xilka Qaranka, arrintaasi oo uu Danjiruhu ku tilmaamay mid dhif iyo naadir ku ah mandaqadda Geeska Afrika, Shacabka reer Somaliland ee adkaysiga badana ay mutaysteen in lagu hambalyeeyo guusha ay gaadheen.β ayaa lagu yidhi, war-saxaafadeedka.
Sidoo kale, waxa lagu xusay war-saxaafadeedka in Kulanka diiradda lagu saaray arrimo badan oo muhiim ah oo ay ka mid ahaayeen nabadaynta, iskaashiga dhaqaallaha, ganacsiga iyo maalgashiga, waxbarashadda, caafimaadka, horumarinta kaabayaasha dhaqaallaha iyo xirfadaha, ka wada shaqaynta arrimaha biniβaadannimada.
Madaxweyna Somaliland, ayaa Danjiraha Turkiga u sheegay in Jamhuuriyadda Somaliland ay aad u danaynayso in Dawladda Turkigu ay la yeelato Somaliland xidhiidh toos ah, wanaagsan oo dhinacyo badan leh, ayaa lasii raaciyay war-saxaafadeedka.
Ma u malaynay in saaxiibadaa xiisaynayaan mawduuca Warbixintan? la wadaag oo la sheergaree.
Written by Arraale M. Jama, a freelance journalist and human rights activist.
info@araweelonews.com