Araweelo News Network
Republican president-elect Donald Trump delivers his acceptance speech during his election night event at the New York Hilton Midtown in the early morning hours of November 9, 2016 in New York City. (Photo by AFP)
Mr Trump ayaa ku ammaanay Mr Tillerson, oo 64 sano jir ah , wuxuuna ku tilmaamay inuu ka mid yahay “hogaamiyayaasha ganacsiga ee sameeyay heshiisyada caalamiga ee guusha gaadhay”
Mr Tillerson ayaa la sheegayaa inuu xidhiidh fiican la leeyahay madaxweynaha Ruushka, Vladimir Putin, iyadoo taasi walwal galinaysa xisbiga Dimoqraadiga iyo qaar ka mid ah xisbiga Jamhuuriga.
Magacaabida Mr Tillerson ayaa u baahan inuu Senate-ku ansixiyo.
Maalmo ka hor ayaa waxaa soo baxay in sirdoonka Maraykanka ay aaminsan yihiin in Ruushka uu caawiyay doorashada Trump, iyadoo lagu eedeynayo inay ku lug lahaayeen kombutaro la jabsaday.
Xoghayaha arrimaha dibadda ayaa ah diblomaasiga ugu sareeya, ee masuulka ka ah in la hirgaliyo siyaasadaha arrimaha dibadda ee dowladda.
” Shaqada Rex Tillerson ayaa astaan u ah riyada Maraykanka”, ayuu sheegay Mr Trump.
” Tayada adkaysigiisa, qibradiisa iyo fahamka siyaasada arrimaha dibadda ayaa ka dhigaysa qofka ugu fiican ee loo doorto xoghayaha arrimaha dibadda”.
Mr Tillerson ayaa sheegay in magacaabida ay u tahay sharaf, isagoo sheegay inuu la wadaago Mr Trump aragtidiisa in la soo celiyo aaminaadii xidhiidhka arrimaha dibadda ee Maraykanka iyo in la adkeeyo ammaanka waddanka”.