#Araweelo_News_Network.
Laascaanood(ANN)-Taliyaha Guud ee Ciidanka Qaranka Somaliland, Sareeye Gaas Nuux Ismaaciil Taani, ayaa ka hadlay dagaalo maantaoo Salaala ah ka dhacay aagag kala duwan oo duleedka Magaalada Laascaanood ah.
Taliye Nuux Taani oo warbaahinta kula hadlay Taliska Guud ee magaalada Hargeysa Tuulada Dhaban-saar 25 km ayay Galbeed ka xigtaa laamiga dhinaca Addhi-cadeeye, waxa soo galay halakaa ciidan watay soddoneeyo gaadiidka Tugnikada ah, waxay doonayeen inay jidgooyo ka galaan oo taakulaynta ciidanka Qaranka jaraan, ayuu yidhi.
Sareeye Gaas Nuux Taani, wuxuu sheegay in ciidanka qaranku ka hortegey, isla markaana dagaal ka dhacay Tuuladda Dhabar-saar, dagaalka oo sida uu sheegay in uu dhacay saaka xilli hore Lixdii, balse lagu jebiyay malayshiyadii doonayay inay jidgooyada ka sameeyaan halkaa.
Malayshiyada ayuu sheegay in markii la caydhiyay ay u carareen dhinaca Bali-hadhac, waxaana la wareegay Tuuladda Dhabar-saar Ciidanka Qaranka Somaliland sida uu sheegay.
Hase yeeshee Taliye Nuux Taani, wuxuu sidoo kale sheegay in dagaalo kale ka dhaceen Galbeedka iyo Bariga Laascaanood, kuwaas oo sida uu xusay ahaa dagaalo culus a, waxayna sidoo kale dagaalo culus, “Waa lagu jebiyay Bariga iyo Galbeedkaba qaybtii hore ee dagaalka, khasaare wuu dhacayaa dhimasho way imanay. laakiin waa lagu jebiyay dhawrkaa dagaalba, ciidanka qarankuna guul ayuu kasoo hooyay” ayuu yidhi.
Dagaalada ayuu sheegay in ujeedada laga lahaa ay ahayd in lagu carqaladeeyo xuska maalinta 18May ee lagu jiro diyaargarawgeeda, wuxuuna balanqaaday in Ciidanka qaranku iyagoo xusaya maalinta qaranka ee qiimaha baddan ay qarankoodana difaacatyaan, wuxuuna shacbiga ugu baaqay in aannay ka werwerin.
Please share with your friends the news and information provided by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com