X

Somaliland: Xubnaha Guddida Diiwaangelinta Ururrada Oo La Dhaariyay

Araweelo News Network.

Hargeysa(AMM)-Guddoomiyaha Maxkamadda Sare ee Jamhuuriyadda Somaliland, Garyaqaan Aadan Xaaji Cali Axmed, ayaa maanta Madaxweynaha Qaranka hortiisa ku dhaariyey Saddexdii xubnood ee ka hadhsanaa Guddida Diwaangelinta Ururrada iyo Axsaabta Siyaasadda ee ay dhawaan ansixiyeen golaha wakiilladu.

Saddexda xubnood ee la dhaariyay ee guddida diiwaangelinta Ururrada iyo axsaabta qaranka, 8 Jun 2022, qasriga Madaxtooyadda Jamhuuriyadda Somaliland.

Guddoomiyaha Maxkamadda sare ayaa xubnaha mid mid gacanta ugu saaray kitaabka Qur’aanka kariimka ah, isaga oo mid mid ugu dhaariyey inay si caddaalad iyo dhexdhexaad ah howsha Qaran ee loo igmaday u gudan doonaan.

Madaxweynaha Jamhuuriyadda Somaliland, Mudane Muuse Biixi Cabdi, ayaa dhaarta kaddib xubnaha Eebbe uga baryey inuu hawshooda u fududeeyo, waxana uu kula dardaarmay inay degdeg ugudo galaan shaqada ballaadhan ee sugaysa.

Laxidhiidha: Somaliland: Gollaha Wakiillada Oo Ansixiyay Xubnaha Ka Dhinaa Guddida Diwaangelinta Ururrada Iyo Axsaabta

Saddexda xubnood ee maanta la dhaariyey, ayaa ku biiri doona  Afar xubnood oo hore loo dhaariyey hawshana sii waday, waxana sidaas ku dhammaystirmay toddobadii xubnood ee ay ka koobnaayeen Guddida Diwaangelinta Ururrada iyo Axsaabta Siyaasadda.

Kulankan dhaarinta ah oo lagu qabtay Qasriga Madaxtooyada, waxa goob-joog ka ahaa madaxweyne-ku-xigeenka Jamhuuriyadda Somaliland, Mudane Cabdiraxmaan Cabdilaahi Ismaaciil (Saylici), Wasiirrada Wasaaradaha Xidhiidhka Goleyaasha iyo Arrimaha Dastuurka, Mudane Maxamed Xaaji Aadam Cilmi iyo Ganacsiga iyo Dalxiiska, Mudane Maxamuud Xasan Sacad (Saajin).

Dhinaca kale, Afar xubnood oo ka mid ah guddida ayaa hore loo dhaariyay, kaddib markii gollaha wakiilladu ansxiyay, waxaana sidaa ku dhammaystirmay toddobada xubnood ee guddida diiwaangelinta Ururrada iyo axsaabta qaranka ee dhowaan Madaxweynuhu soo gudbiyay.

Please share with your friends the news and information provided by Araweelo News Network.

Published by  Araweelo News Network.

Follow us Twitter@Araweelonews

Facebook@AraweeloNews

instagram@araweelonews

tiktok.com/@araweelonews

By Arraale M Jama Freelance Journalist and Human Rights activist.

Araweelo News Network.

info@araweelonews.com

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, a platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post