#Araweelo_News_Network
Hargeysa (ANN)- Gudidda Doorashooyonka Qaranka ayaa maanta xaruntooda Hargeysa ku qaabilay Safiirka Dalka Denmark Ambassador Steen Sonne Andersen oo ay weheliyaan, Madaxa xafiiska Denmark ee Jamhuuriyadda Somaliland Mr. Mathias Kjaer iyo sarkaal ka tirsan Safaaradda .
Qoraal kooban oo kasoo baxay Xafiiska Gudidda Doorashooyinka Qaranka, ayaa lagu sheegay ib Labada dhinac ay ka wada hadleen halka ay marayaan hawlaha doorashooyinka isku-sidkan ee loo dareerayo 13 Novermber 2024
Sida lagu sheegay war-qoraalka Safiirka Denmark Ambassador Steen Sonne Andersen, wuxuu Gudidda Doorashooyinka ku amaanay sida ay ugu diyaargaroobeen Doorashooyinka Qoraalka ayaa lagu xusay in markii shirku soo dhammaaday, Xubnaha Gudidda Doorashooyinka ayaa Safiirka Denmark soo mariyay bakhaarka lagu diyaarinayo agabka codbixinta doorashada 13ka November 2024.