Araweelo News Network.
#Somaliland@SOLJA Oo Canbaareeyay Koox Weriyayaal Ah Oo Lagu Xidhay Boorama
Hareysa(ANN)-Ururka Suxufiyiinta #Somaliland ee @SOLJA, ayaa canbaareeyay koox weriyayaal ah oo lagu xidhay Magaalada Boorama ee xarunta gobolka Awdal, kuwaas oo Boolisku xabsiga u taxaabeen maanta.
Weriyayaasha la xidhay oo ka hawlgeli jiray warbaahinta madaxa-banaan ee dalka, ayaa kala ah, Xuseen Caateeye, Axmed Diiriye Ciiltire, Shucayb Maxamed Kaahin iyo Cabdullaahi Daahir Wacays.
Xadhiga Afarta weriye waxa durbadiiba ka hadlay oo canbaareeyay hoggaanka cusub ee Ururka Suxuyiyiinta Somaliland ee SOLJA ee dhowaan la wareegay xilka.
Guddoomiyaha Ururka Suxufiyiinta Somaliland ee SOLJA, Sakariye Axmed Muxumed oo ka hadlay xadhiga weriyayaasha ayaa ku tilmaamay mid aan sharciga loo marin, wuxuuna ku baaqay in xorriyadoda loo celiyo weriyayaasha., isla markaana loo maro nidaamka sharciga ee dalka.
Halkan ka daawo guddoomiyaha SOLJA ee ka hadlaya xadhiga weriyayaasha.