Hargeysa(ANN)-Taliska Ciidanka Qaranka Somaliland, ayaa ka hadlay dagaal saaka deegaanka Yube ee Bariga Gobolka Sanaag ku dhexmaray Ciidanka Qaranka Somaliland iyo Malayshiyo dhanka Maamul goboleedka Soomaaliya ee Puntland kaga soo duulay deegaankaa.
Ciidanka Qaranka Somaliland oo War-saxaafeed kasoo saaray dagaalka ka dhacay deegaankaa, ayaa sheegay inay dhirbaaxo kulul ku dhufteen Malayshiyadaa, isla markaana ka qabsadeen gaadiid iyo Hub.
War-saxaafadeedka oo uu ku saxeexnaa Afhayeenka Ciidanka Qaranka Somaliland Gashaanle Sare Cabdi Cabdilaahi Xasan (Cabdi Dheere) oo nuqul ka mid ah soo gaadhay shebekadda Araweelo News Network, ayaa u dhignaa sidan:-
“Waxa jira inay Maamulka Puntland ciidamadoodu weerareen shalay 25/2/2020 badhasaabka laas-qoray ee Jamhuuriyadda Somaliland
kasta oo isku dayda inay daandaansato Jamhuuriyadda Somaliland.”
, isku dayeena inay dilaan, hase ahatee illaahay ka badbaadiyay, waxay daandaasi joogta ku hayaan dadka Somaliland ee degan badhan iyo degaanada ku hareeraysan .
Saaka abaaro lixdii iyo badhkii (6:30 Am) subaximo, waxay ciidamada Maamulka Puntland isku day dagaal ka bilaabeen degaanka kadhada oo 18km u jira Yubbe, halkaana waxaa isku haleelay ilaaladda hore ee ciidanka qaranka Jamhuuriyadda Somaliland iyo dagaal oogayaasha ciidanka Puntland, halkaas oo ciidanka qaranku dhirbaaxo lama ilawaana ku dhuftay kana soo hooyeen guulo, iyagoo ka qabsaday hub iyo gaadiid intaba.
Ciidanka qaranka Jamhuuriyadda Somaliland doonimaayo dagaal, laakiin haddii laga dayn waayo daandaansiga joogtada ah wuxuu ka gudan doonaa wajibaadkiisa cid kasta oo isku dayda inay daandaansato Jamhuuriyadda Somaliland.
ALLAA MAHAD LEH
CIIDANKA QARANKA GUUL
Afhayeenka Ciidanka Qaranka JSL Gashaanle Sare Cabdi Cabdilaahi Xasan ( Cabdi Dheere)