Navigate
X

Somaliland: # SOMA Oo Ka Hadashay Doorashooyinka Fariina U Diray Suxufiyiinta

Araweelo News Network.

War-saxaafadeedka Ururka Waraabinta Online-ka

 

Hargeysa(ANN)- Ururka Warbaahinta Online-ka Somaliland ee Somaliland Online Media Association (SOMA) waxa uu ugu baaqayaa Suxufiyiinta ka hawlgala hay’addaha warbaahinta Online-ka ee gudo iyo dibad-ba, inay ilaaliyaan anshaxa warbaahineed, isla markaana si taxadir leh u hubiyaan wararka iyo xoggaha ay baahiyaan Website-yadoodu.

Sidaa waxa lagu Sheegay Warsaxafadeed uu maanta soo saaray Guddoomiyaha Warbaahinta Online-ka Somaliland ee SOMA Mustafe Abdi Mohamed (Mustafe-Janaale)

Annagoo og xiligan xaasaasiga ah ee qaranka Somaliland u talaabsanayo qabsoomida doorashooyinka isku sidkan ee Wakiillada iyo Deegaanka ee la filayo inay dalka ka qabsoomaan 31-Ka May 2021, In aannay warbaahintu ku dhex milmin Ololaha Axsaabta qaranka (UCID, WADDANI iyo KULMIYE) iyo murashixiinta oo ay dhex u noqdaan, isla markaana laga fogaado waxyaabaha kutiri-ku-teenka ee lagu baahiyo FACEBOOK-ga oo aan lahayn wax-tix-raaca iyo cid masuuliyadeeda loogu hagaago.

Ururka Warbaahinta Online-ka ee SOMA, isaga oo yaqiinsan doorka warbaahinta Online-ku kaga jiraan geedi socodka dimuqraadiyadda, dhismaha, iyo iib-geynta qaddiyada Somaliland, isla markaana hay’addaha Warbaahinta Online-ka ahi yihiin tix-raaca ugu muhiimsan ee duniddu ka daalacato dhacdooyinka maalinlaha ah ee ka dhaca Somaliland.

Sidaa awgeed,waxaan ku boorinaynaa Weriyayaasha ka hawlgala hay’addaha warbaahinta Online-ka Somaliland gudo iyo dibad-ba inay yiqiinsadaan in waxyaabaha ay qorayaan ay noqonayaan taariikhda beri iyo tixraaca sawiraya muuqaalka Somaliland.

Ololaha Doorashooyinka Somaliland waxa looga baahan yahay inuu ka muuqdo bisayl iyo waayo-aragnimo siyaasadeed iyo dimuqraadiyadeed, maadaama oo aynu hore uga soo gudubnay lix doorasho oo si xor iyo xalaal ah uga qabsoomay Jamhuuriyadda Somaliland.

Sidoo kale, waa in aynu maanka ku haynaa kaalinta aynu leenahay ee warbaahineed iyo waajibaadka inaga saaran Qaranimada, isla markaana aynu qaadano doorkeena aynu haabeen iyo maalin u taaganahay  sidii ay Somaliland uga qabsoomi lahaayeen doorashooyinka Wakiillada iyo golayaasha deegaanada oo natiijadeedu noqoto mid qarankan wax u tarta ee aan waxba u dhimin”.ayaa lagu yidhi, qoraal saxaafadeedka SOMA.

Araweelo News Network.

info@araweelonews.com

admin: #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/
Related Post
  1. Somaliland: Hawlgalka Booliska Ee Amniga Caasimada Oo Lagu Qabtay Boqolaal Hubka Aan Sanqadhin

    #Araweelo_News_Network Hargyesa (ANN)- Taliska Ciidanka Booliska Somaliland ayaa soo bandhigay hubka gacanta lagu qaato ee…

  2. Madaxweynaha Somaliland Oo Ka Hadlay Heerka shaqo la’aanta iyo Qorshaha Qaranka uu Hoggaaminayo

    #Araweelo_News_Network Hargeysa (ANN)- Madaxweynaha Jamhuuriyadda Somaliland Cabdiraxmaan Maxamed Cabdilaahi (Cirro) ayaa maanta si rasmi ah…

  3. Somaliland and UAE meetings Strengthening Military Ties Amid Regional Geopolitics

    #Araweelo_News_Network   Abu Dhabi (ANN)-The Republic of Somaliland and the United Arab Emirates (UAE) are…