Araweelo News Network.
Wuxuu Ku Eedeeyay Xukuumadda In Ay Masuul Ka Tahay Caruurta Calanka Soomaaliya Xidhata
Hargeysa(ANN)-Prof Siciid Xasan Sheekeeye oo ka mid ah Aqoonyahanka Somaliland, ayaa soo bandhigay god-daloolooyin badan oo k ajira nidaamka maamul ee siyaasada dalka.
Sidoo kale, wuxuu ka hadlay qiimaha maceeshada ee qaaliyoowday, dhibaatooyinka dhaqaale, waddooyinka halbowlaha magaaladda Hargeysa, adeegyada aasaasiga ah, sida Biyaha, Laydhka, Waxbarashada iyo Caafimaadka.
Wuxuu soo qaatay tusaalooyin cad-cad oo la taaban karo, isagoo si gaar ah u dhaliilay Waxbarasahada dalka oo uu tilmaamay in aannay gacanta ugu jirin Wasaaradda Waxbarasahada oo qaranka ugu xil-saaran.
Prof Sheekeeye tusaale u soo jeediyay Bulshada in ay ka hadlaaan dhibaatooyinka, mar haddii aannay jirin xukuumad ka hadlaysa.
Markuu ka hadlayay, waxbarashada, wuxuu tusaale usoo qaatay Dugsiyada waxbarashada barbaarinta Carruurta ee gaarka loo leeyahay oo uu sheegay inay macalimiin ka yihiin Dad Ajaanib ah oo aan haysan diinta Islaamka, taasina ay sababayso inay wax badan iska beddelaan dhaqanka suubban iyo barbaarinta ubadka yar-yar ee wax ka barta dugsiyadaas.
Dhaliilo muuqda ayuu u jeediyay siyaasadda maamul ee wasaaradda Tacliintu ku hoggaamiso Waxbarashada Dalka, isagoo xusay in aannu jirin qorshe qeexan oo loo dejiyey Waxbarashada Gaarka loo leeyahay iyo ta dowliga ahba, wuxuuna daaha ka fayday dayac badan oo ku jira Manhajka waxbarasho ee dalka.
Dhanka waddooyinka, wuxuu Agaasimaha Madaxtooyadda Somaliland, ku canbaareeyay waddada muhiimka ah ee Hargeysa oo sida uu sheegay uu bur-buriyay, isla markaana Afartii haad ee uu sheegay in laga dhigayo aan halkii laga soo qaadin.
Prof Xasan Sheekeeye, wuxuu arrimaha iyo kuwo kale oo dhammaantood la xidhiidha nollosha Bulshada, kaga hadlay xaaladda Siyaasadeed ee xilligan dalku ku sugan yahay.
Halkan ka Daawo muuqaalka
Published by Araweelo News Network.
Fadlan la wadaag saaxiibadaa oo warbxinaha iyo wararka ay soo gudbiyaan shebekaddaha Araweelo News Network.
Follow us Twitter@Araweelonews
Facebook@AraweeloNews
instagram@araweelonews
By Arraale M Jama Freelance Journalist and Human Rights activist.
info@araweelonews.com