Navigate
X

Somaliland: Maxaa Lagaga Hadlay Kulanka Madaxweynaha La Yeeshay Xubnaha Guddida Doorashooyinka Qaranka ?

Kulanka Madaxweynaha iyo Guddida doorashooyinka Qaranka Somaliland Image Araweelo News Network. 24 April 2021

Araweelo News Network.

 

Hargeysa(ANN)-Madaxweynaha Jamhuuriyadda Somaliland,  Muuse Biixi Cabdi, ayaa kulan la yeeshay xubnaha guddida doorashooyinka qaranka Somaliland, kulankaa oo maanta ka qabsoomay qasriga madaxtooyada.

Kulanka Madaxweyne Biixi la yeeshay xubnaha Guddida doorashooyinka qaranka Somaliland oo ahaa mid aananay saxaafadu goob joog ka ahayn, waxa  diiradda lagu saaray habsami u socodka qabsoomidda doorashooyinka goleyaasha wakiillada iyo deegaanka, sida lagu sheegay qoraal saxaaafadeed kooban oo kasoo baxay Madaxtooyadda Somaliland markii kulanku dhammaaday.

Liiska Murrashaxiinta Gollayaasha Deegaanka Dalka Iyo Degmooyin Aan Ka Muuqan Doorashooyinka Somaliland Ee 2021

Madaxweynaha ayaa Guddida doorashooyinka qaranka dhegeystay warbixin la xidhiidha qaban-qaabada iyo hirgelinta hawlaha wakhtigan socda ee qabsoomidda doorashooyinka wakiillada iyo deegaanka oo maraya meel muhiima. sida lagu sheegay qoraalka  sidoo kale waxa qoraalka lagu xusay in hawlaha u diyaar-garawga doorashooyinku u socdaan sidii loogu tallo-galay, kuna qabsoomayaan xilligii hore la isula qaatay ee loo qorsheeyay insha Allah.

 

Dhinaca kale, waxa kulankaa lagaga wada hadlay kharashaadka ku baxaya doorashooyinka iyo ilaa hadda wixii ku baxay, si looga diyaar garoobo arrimaha dhaqaalaha ee doorashooyinka ku baxaya, wallaw aan qoraalka lagu xusin inta uu yahay kharashkaasi.

 

Madaxweynaha ayaa ku bogaadinyey guddida doorashooyinka qaranka sida hagar la’aanta ah ee ay hawsha u wadaan, wuxuuna ku adkeeyay in doorashooyinku ku qabsoomaan muddadii lagu heshiiyey. Isagoo kula dardaarmay in masiirka ummadda iyo amniga qaranku dushooda saaranyahay, loona baahan yahay dedaal iyo xilkasnimo  dheeraada inay iska saaraan hawlahaa miisaankooda iyo culayskoodaba leh ee ay gacanta ku hayaan.

 

Gebagebadii madaxweynaha Jamhuuriyadda Somaliland,  Muuse Biixi Cabdi waxa uu guddida doorashooyinka qaranka ugu duceeyey in Allah ku asturo hawlahaa culus ee ay qaranka u hayaan. sida lagu sheegay qoraalka kasoo baxay qasriga Madaxtooyadda Somaliland.

 

Araweelo News Network.

info@araweelonews.com

admin: #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/
Related Post
  1. Congratulating President Abdirahman Mahamed Abdillahi Ciro on His First 100 Days in Office

    Congratulating President Abdirahman Mahamed Abdillahi Ciro on His First 100 Days in Office We extend…

  2. Why Trump is on the warpath in Somalia by Mary Harper BBC Analyst

    Why Trump is on the warpath in Somalia Mary Harper BBC  Somalia analys Finding and…

  3. Somaliland Statement on the Peace Agreement between Ethiopian government and TPLF

    Araweelo News Network. Somaliland Statement on the Peace Agreement between the Government Of The Federal…