#Araweelo_News_Network
Hargyesa (ANN)- Taliska Ciidanka Booliska Somaliland ayaa soo bandhigay hubka gacanta lagu qaato ee aan sanqadhin oo loo adeegsado dilalka, iyagoo hawlgal ay ka sameeyeen Caasimadda Somaliland ee Hargeysa ku guulaystay innay gacanta ku dhigeen boqolaal hubka gacanta ee Faashashka iyo Toorayaasha.
Sidoo kale, waxay Boolisku soo bandhigeen jawaano ay sheegeen innay maandooriyaha xashiishada, wallow aannay sheegeen in dadkii hubka kala duwan iyo maandooriyaha xashiishada ay soo bandhigeen sitay la xidhay iyo in kale.
Saraakiisha Booliska Somaliland ee Caasimada Hargeysa oo ka hadlaya hubka iyo maandooriyaha ay soo qabteen, ee lasoo bandhigay.23 Feb 2025 photo taliska Booliska.
Hawlgaka ayay sheegeen inuu qayb ka yahay olole la doonayo in xaqiijiyo amniga caasimadda, maadaama ay maalmihii u danbeeyay dhawr oo loo adeegsaday hubka fudud ee aan sanqadhin sida toorayda ay ka dhaceen Magaalooyinka Hargeysa iyo Burco, wallow dilka maalmihii lasoo dhaafay ka dhacay Magaalada Burco loo adeegsaday xabad.
Garsoorayaasha makamdda derejada koobaad oo ku dhowaaqa xukunka eedaysnayaasha dilka ka dhacay Gebilay, 23 Feb 2025 photo taliska Booliska.
Ehelada Marxuumka iyo kuwa Eedaysanayaasha oo ka qaybgalay dhegaysiga dacwada iyo go’aanka makamdda derejada koobaad oo ku dhowaaqa xukunka eedaysnayaasha dilka ka dhacay Gebilay, 23 Feb 2025 photo taliska Booliska.