#Araweelo_News_Network
Hargeysa (ANN)-Gudidda Doorashooyinka Qaranka Jamhuuriyadda Somaliland ayaa kulan gaar ah la yeeshay ganacsatada dalka.
Kulanka oo ka dhacay xafiiska gudidda Doorashooyinka ee Magaaladda Hargeysa, waxa uu ahaa mid xubnaha gudiddu ay la qaateen xubno ka mid ah Ganacsatada waaweyn ee dalka.
Faahfaahin badan lagama hayo ujeeddada kulanka, balse Gudidda Doorashooyinka ayaa kulanka ku sheegay mid ujeedadiisu ahayd duco iyo dardaaran ku saabsan Doorashooyinka maalmaha kooban inaga xigaan ee loo ballamay 13 November 2024.
Gudidda ayaa kulamo sidan oo kale ah la yeeshay maalmihii lasoo dhaafay Culimada iyo qaybo kale oo bulshada ah, waxayna dhammaan kulamadaasi ahaayeen kuwo gogol xaadh u ah sidii ay doorashooyinku nabadgelyo ugu dhici lahaayeen iyo in cid walba qaadato doorkeeda.