X

Somaliland: Guddida Doorashooyinka Oo Mudada Kaadh Qaybinta U Kordhiyay Gobollada Bariga

Farriinta Kommishanka doorashooyinka ee shuruuddaha murrashaxiinta u tartamaya doorashooyinka Wakiillada iyo golayaasha deegaanka Somaliland Image File Araweelo News Network 20 Feb 2021.

Araweelo News Network.

#Somaliland,#Saaxil,@Sanaag,#Sool

#Hargeysa(ANN)-Guddida Doorashooyinka Qaranka, ayaa mudada kaadh qaadashada ee wejigii koowaad u kordhiyay saddexda gobol ee Bariga Somaliland, kuwaas oo kala ah Sanaag, Sool iyo Saaxil, kadib markii ay dhammaatay mudadii hawsha kaadh qaadashada. ee laga bilaabay gobolladaa 11 March 2021.

Guddida doorashooyinka Somaliland, ayaa sheegay in maalmaha la kordhiyey degmo walba oo ka tirsan saddexdaa gobol goobo gaar loo cayimay laga sii qaadan karo kaadhadhka maalmaha dheeraadka ah ee la kordhiyay, si ay uga faa’idaystaan muwaadiniintu.

 

Sidaana waxa lagu xaqiijiyay qoraal kooban oo kasoo baxay maanta Guddida Doorashooyinka Qaranka, wuxuuna qoraalkaa oo nuqul ka mid ah soo gaadhay Shebekaddaha Araweelo News Network, u qornaa sidan:-

“KDQ ayaa ku dhawaaqay Muddada & Goobaha Kordhinta Kaadh-qaadashada Gobolada Saaxil, Sool iyo Sanaag. Muddadii saddexda Cisho ahayd ee hore loogu asteeyey goboladaa ayaa ku ekayd 13 March 2021.” ayaa lagu yidhi, Qoraalka.

Guddida, ayaa sheegay in Cod-bixiyayaasha Is-diiwaangeliyey Diiwaangelintii 2020/2021 amma,  kuwii Is-diiwaangeliyey 2016  balse aan wali qaadan Kaadhadhkoodii ay weli haystaan fursad dahabiya oo ay ku doonan karaan Kaadhadhkoodii muddada lagu gudo-jiro maalmaha dheeraadka ee loo kordhiyay.

 

“Waxay tegayaan Degmadii ay iska Diiwaangeliyeen, gaar ahaana Goobta Kordhinta ee ku cayiman Ogaysiiska NEC, ee hoos ku xardhan.” ayaa lagu yidhi, qoraalka Guddida doorashooyinka Qaranka Somaliland.

Halkan Ka Daalaco Shaxda.

 

 

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, a platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post