#Araweelo_News_Network
Hargeysa (ANN)- Gollaha Wasiirrada Xukuumadda Madaxweyne Cabdiraxmaan Maxamed Cabdullaahi (Cirro), ayaan weli ku guulaysan innay soo gudbiyeen qorshayaa hal-xidhaalaha ee lagaga sugayay innay soo diyaaryaan qorshaha Wasaaraddaha ay masuulka ka yihiin.
Gollaha Wasiirrada ee Xukuumadda oo yeeshsy Fadhigoodii 5aad gelinkii danbe ee Khamiistii 9 In January 2025. Ayaa marvkale lagu soo qaaday in Gollaha wasiirrada ee xukuumadda WADA-JIR IYO WAX-QABAD ee uu gadh-wadeenka ka yahay madaxweynaha Jamhuuriyada Somaliland, Cabdiraxmaan Maxamed Cabdilaahi (Cirro) aannay weli diyaarin qorshaha ay ka duulayso ee Boqolka maalmood ee u horeeya, kaas oo wasaarad kasta gaarkeeda looga sugayay, iyadoo la waafajinayo balanqaadkii Xiisbiga WADDANI.
SIda lagu sheegay war-saxaafadeed koobban oo kasoo baxay qasriga Madaxtooyadda kaddib kulankii uu Guddoominayay Madaxweyne Cabdiraxmaan Cirro oo uu weheliyay Madaxweyne ku xigeenka Somaliland, Maxamed Cali Aw Cabdi.
Sida lagu sheegay qoraal saxaafadeedka qodobada muhiimka ah ee lagaga hadlay waxa ka mid ahaa, Xaaladda guud ee Amniga Dalka, ta dhaqaallaha, waxbarashadda iyo dhaq-dhaqaaqii ugu danbeeyey ee dhoofka Xoollaha iyadoo ay warbiximo golluhu ay ka jeediyeen wasiirrada wasaaradahaasi.
Waxa kale oo fadhiga gollaha lagaga wada hadlay hay’addaha awooda u leh bixinta liisamada ganacsiga, waxaana oo uu Wasiirka Wasaaradda Ganacsiga iyo Dalxiiska larrintaa Golaha ka siiyey faah-faahin dheeraad ah.
Qoraal saxaafadeedka ayaa lagu xusay in Wasiirka Wasaaradda Gaadiidka iyo Horumarinta Jidadku Golaha siiyay Xogwaran la xidhiidha bilowga diwaangelinta Gaadiidka Dawladda iyo Bixinta Buugga Gaadiidka Dawladda.
Dhinaca kale. Wasiirka Wasaaradda Qorshaynta iyo Horumarinta Qaranka ayaa dhankeeda faah-faahin dheerada ka bixisay xilka iyo waajibaadka ay Wasaaraddu u hayso Qaranka iyo sidii la isu waafajin lahaa Qorshaha Horumarinta Qaranka ee 3aad iyo Barnaamij Siyaasadeedka Xisbi Xaakimka Waddani.
Gollaha waiiradda ayaa markaa kaddib waxa loo qaybiyay Xeer Hoosaadka Golaha Wasiirrada (Akhriska 1aad) waxaana warbixin lagu faah-faahinayo xubnah gollaha ka siiyay Garyaqaanka Guud ee Qaranka.
Gebagebadii Wasiirka Wasaaradda Madaxtooyadda ayaa Golaha Wasiirrada ka codsaday inay soo gudbiyaan habsami u socodka qorshaha waxqabadka 100-ka Maalmood ee ugu horeeya Xukuumadda “WADA-JIR IYO WAXQABAD.”, iyadoo fadhigii todobaadkii hore Gollaha Wasiirrada Xukuunadda lagaga casaday Barnaamijka wax-qabadka Boqolka maalmood