Araweelo News Network.
Muqdisho(ANN)- Madaxweyneha dalka Djibouti, Ismaaciil Cumar Geelle, ayaa si lama filaan ah u booqday Magaalada Muqdisho ee caasimada Soomalaiya, iyadoo xaaladda amniga si weyn loo xoojiyay.
Madaxweyne Geelle oo aan si dhab ah loo ogayn ujeeddada socdaalkiisa, ayaa kulamo la yeeshay Madaxweynaha dawladda Federaalka Soomaaliya Xasan Sheekh Maxamuud iyo masuuliyiin ka tirsan xukuumadda.
Labada Madaxweyne oo kulamadaa kaddib warbaahinta la hadlay, ayaa sheegay in ujeeddada safarka Madaxweyne Geelle ay la xidhiidhay arrimo ku saabsan xidhiidha labada dale e Soomaaliya iyo Djibouti iyo sidii qiimayn loogu samayn lahaa hannaanka iskaashiga laba dal ee loo sii horumarin lahaa.
Labada Madaxweyne oo shir-saxaafadeed wada qabtay kulankooda kaddib ayaa sheegay in ay isla qaateen sidii loo adkayn lahaa midnimada iyo walaalnimada ka dhaxeysa labada shacab.
Madaxweyne Xasan Sheekh, ayaa uga mahadceliyey Madaxweyne Ismaaciil Cumar Geelle, dowladda iyo shacabka Djibouti, sida ay u garab istaageen walaalahooda Soomaaliya, xilligii ay u baahdeen shacab iyo dowlad ahaanba.
Madaxweyne Ismaaciil Cumar Geelle, ayaa dhankiisa uga mahadceliyay Madaxweynaha, Soomaaliya iyo shacabka Soomaaliyeed sida ay usoo dhoweeyeen, isagoo xusay inay ka muuqatay walaalnimo iyo kalgacal ay u muujiyeen isaga iyo wafdigiisa.
Mr. Geelle, waxa uu xusay in uu ajiibay martiqaad uu u fidiyay Madaxweyne Xasan Sheekh Maxamuud, taas oo sida uu carabka kuy diftay ahayd inuu markhaanti ka noqdo guulaha uu sheegay in laga gaadhay howlgallada dib u xoraynta deegaannada ay ku dhuumaaleysanayeen Alshabaab.
Booqashada Madaxweyne Geelle ee Muqdisho, ayaa kusoo beegantay maalmo kaddib markii ay Madaxweyne Xasan Sheekh Dalka Djibouti u tegey gabadh uu dhalay Madaxweyne Geelle oo la siiyay sarkaal ka tirsan qoyskiisa, taas oo loo arkayay guur iyo xididnimo ay ku duugantahay siyaasad qorsoon iyo qorshayaal aan si dhab ah usoo shaacbixin oo Madaxweyne Geelle maaganyahay.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
SUBSCRIBE to our YouTube channel for more videos: https://www.youtube.com/c/AraweeloTv
By Arraale M Jama Freelance Journalist and Human Rights activist.
info@araweelonews.com