#Araweelo_News_Network
Muqadisho (ANN)- Dawladda Federaalka ee Soomaaliya, ayaa xilligan mar kale ka hadashay mawqifkeeda ku waajahan heshiiskii is-afgaradka ahaa ee 1 jan 2024 ku dhexmaray Addis Ababa Madaxweynaha jamhuurriyadda Somaliland Muuse Biixi Cabdi iyo Ra’iisal wasaaraha dalka Ethiopia AbayAhmed.
Heshiiska oo dhigayay in Ethiopia ay Somaliland ka hesho Bad, iydaoo dhinaca SoSomaliland ay sheegtay innay ku beddelatay Aqoonsiga ay radinaysay muddo ka baddan 32 sannadood.
Heshiiska oo kiciyay duufaan siyaasadeed isla markaana abuuray xasaasiyad si weyn looga dareemay dunida, wuxuu si weyn uga cadhaysiiyay dawladda Federaalka ee Somalia, waxayna marar hore si cad u sheegtay mawqifkeeda, iydaoo khilaaf weyn oo siyaasadeed oo dhanka dublamaasiyada ka dhex qarxay Ethiopia iyo Somalia, kaas oo gaadhay in Xukuumadda Xasan Sheekh ee Muqdisho dacwad u gudbiso Gollaha Amaanka ee JamciydaQaramada Midoobay, iydaoo dawladda Ethiopia dhankeeda Gollaha Amaanka u gudbisay qoraal ay ku difaacay Heshiiska is-Afgarad ee ay la gashay Somaliland, kaas oo ay sheegtay inuu yahay mid ay u martay dariiqii ku haboona, Isla markaana ay la gashay sidii ku haboonayd.
Hase yeeshee mar kale ayay dawladda Federaalka ee Somalia ka hadashay mawqifkeeda Heshiiska.
Qoraal kasoo baxay dawladda Federaalka Somalia Axaddii, oo ka kooban laba bog ayaa u dhignaa sidan hoos ka muuqata.
