Hargeysa(ANN)– Shirkadda Global Tech Solutions ee loo soo gaabiyo  (GTS)  ayaa  Shirweynaha Tignoolojiyada (Somaliland ICT Conference 2019), kusoo bandhigtay adeegyada ay qabato, waxaana Madaxweyne ku xigeenka Somaliland oo booqday goobta ay shirkaddu kusoo bandhigtay adeegyada ay qabato sharaxaad ka siiyay  Eng. Khaalid Sheekh Muxumed oo ka waramay waxyaabaha ay shirkadda GTS qabato.

Eng. Khaalid Sheekh,  wuxuu isagoo ka hadlaya adeegyada ay qabtaan yidhi, “Waxa shirkadda Global Tech Solutions ee loo soo gaabiyo  (GTS)  ay samaysaa Softiwere, Mobile applications, mana  aha qaybtan Tignoolajigu shirkaddaha Isgaadhsiinta oo keliya,  balse waa waxyaabaha ay isticmaalo ee ku shaqayno, tusaale ahaan Goobaha ganacsiga, sida Dugsiyada waxbarashadda, jaamacaddaha, Huteelada, waxay u baahan yihiin adeegyada aanu qabano, waana shirkad Somaliland ah oo ka jirta gobolada dalka inta badan.” Ayuu yidhi, Eng. Khaalid.

Sidoo kale wuxuu sheegay inay qayb weyn ka qaateen shaqo abuurka oo shaqooyin u sameeyeen dhalinyaro badan, isla markaana ay ganacsiyo badan u sameeyeen fududaynta sidii ay ugu shaqaysan lahaayeen Tignoolajiga, iyadoo ay shirkad ahaan u sameeyeen Softiwere iyo  applications  ay gaar u leeyihiin.

Madaxa Shirkadda Global Tech Solutions, Eng. Khaalid, ayaa sidoo kale sheegay inay ka qaybqaadanaayan adeegyada Bulshada iyo sidii dawladdu uga dhigi lahayd adeegyadeeda qaab Computers ah oo fududaynaya adeegyada dadka loo qabanayo si looga baxo nidaamka iska daba-wareega ah ee xafiisyada dawladda.