Araweelo News Network
Mogadishu(ANN)Koox hubeysan ayaa degmada Dharkeynleey ee magaalada Muqdisho ku dilay sarkaal sare oo ka tirsanaa dowladda Federaalka ee Somalia.
Col. Maxamed Cismaan oo ka mid ahaa saraakiisha xabsiga dhexe ee Muqdisho, ayaa toogasho lagu dilay. kadib markii Koox aan la aqoonsan tiradooda iyo kuwa ay yihiin oo ku hubaysan Bastoolado ay ku weerrareen halkaa sida ay sheegeen dad goob joogayaal ah.
Dadka ka dhowaa goobta dilku ka dhacay, ayaa sheegay in kooxda dablayda ah ee fuliyay weerrarka ay goobta ka carareen ka hor intii aanay soo gaadhin ciidamada amaanku.
Ma jirto dilkaa cid sheegatay, balse waxa la rumaysan yahay inay kooxda Al-shabaab ee ugaadhsada Madaxda dawlda Federaalka iyo saraakiisha xukuumadda Somalia ka danbeeyeen weerrarkaa.