Araweelo News Network
Hargeysa ee la ilmaynaysay roob la’aan
Hargeysa(ANN)-Magaaladda Caasimadda Somaliland ee Hargeysa, waxa si weyn u maasheeyay galabta roob mahiigaana oo da’ayay saacado., isla markaana dhibic xooggan lahaa.
Roobka oo ka mid ah roobabka guga oo sannadka laga dayrinayay, maadaama xilligii Allah looga bartay ee hortaanta Bisha April aannay jirin roobab waaweyn ka da’ay dalka, marka laga reebo roobab dhinaca bariga iyo galbeedka ka da’ay, balse magaa;ada Hargeysa ayaa kow ka ahayd meelaha sida weyn ugu ilmaynayay raxmaad Allah.
Wallow ay hargeysi hore u heshay hogol doogsimo ah oo aan mararka qaar laga dareemin daafaha magaaladda iyo duleedkeeda, balse roobka maanta gelinkii danbe 1 May 2022, ka da’ay ayaa ahaa mid mahiigaan ah oo dhawr saacad da’ayay.
Roobka oo dhibic xooggan iyo weedh mararka qaar guux samaynaya lahaa, ayaa si weyn ugu bariinsaday magaaladda, isla markaana wuxuu roobakani noqday roobkii ugu weynaa ee Hargeysa intiii biyaha guga la tirsaday ay hesho.
Lama sheegin ilaa hadda khasaare uu sababay roobku, balse waxa la saadaalinayaa in ay jiraan khasaarooyin ka dhalanaya marka la eego baaxada roobka iyo biyihiisa, iyadoo dadka danyarta ah ee aan haysan gabaadka, amma hoygoodu yahay guryaha jiingadaha ka samaysan iyo aqalada yaryar ee loo yaqaan Beebeeyada ay halis ugu jiraan marka ay roobabka sidan oo kale curtain.
Raxmaadka roobka Allah ku maansheeyay maanta magaaladda Hargeysa ee la ilmaynaysay roob la’aanta, wuxuu noqonayaa roobka mahigaanka ah ee galabta helay Hargeysa ayaa lagu tilmaami karaa inuu Ilmada ka maydhay Magaaladda Hargeysa.
Please share with your friends the news and information provided by Araweelo News Network.
Published by Araweelo News Network.
Follow us Twitter@Araweelonews
Facebook@AraweeloNews
By Arraale M Jama Freelance Journalist and Human Rights activist.
Araweelo News Network.
info@araweelonews.com