Araweelo News Network
Raysal Wasaaraha Xukuumadda Soomaaliya Cumar Cabdirashiid Cali Sharmaarke oo la kulmay wafdi ka socda Jaamacadda Carabta oo hoggaaminayo Danjire Zaid Al Sabban
sida lagu sheegay qoraal kasoo Xafiiska Warbaahinta iyo Xidhiidhka ee Raysal wasaaraha Somalia. waxay labada dhinac ka wada hadleen xaaladda Soomaaliya iyo taageerada ay Jaamacadda Carabtu siiso Soomaaliya.
Raysal Wasaaraha Soomaaliya ayaa sheegay in uu ku faraxsan yahay in Muqdisho ay soo booqdaan wafdiga ka socda jaamacadda Carabta, waxaana si gaar ah uga mahad celiyey Jaamacadda Carabta taageerada ay mar walba Soomaaliya la garab taagan tahay, isagoo intaa ku daray in dawladda Soomaaliya ay diyaar u tahay inay xoojiso iskaashiga labada dhinac ka dhexeeya.
Raysal Wasaaraha Xukuumadda Soomaaliya Cumar Cabdirashiid Cali Sharmaarke oo la kulmay wafdi ka socda Jaamacadda Carabta oo hoggaaminayo Danjire Zaid Al Sabban
“Kulankeenna wuxuu qayb ka ahaa wada-shaqeyn dhexmarta Soomaaliya iyo dawladaha Carabta, waxaan iska wareysanay xaaladdo badan anagoo ka wada hadlay arrimo muhiim ah oo ay ka mid yihiin doorashooyinka Soomaaliya ka dhici doona sanadkan 2016 iyo doorkooda ku aadan sidii ay gacan uga geysan lahaayeen” ayuu yidhi R.Wasaare Cumar.
Wafdiga Jaamacadda Carabta ee Hoggaaminayey Danjire Zaid Al Sabban, ayaa iyaguna sheegay in Jaamacadda Carabta ay kordhin doonto taageerada ay siiso Soomaaliya, si gaar ahna ay gacan uga geysaneyso hirgelinta hiigsiga 2016, oo ay ka mid tahay in Soomaaliya ay doorasho ka dhacdo sida lagu sheegay qoraalka kasoo baxay kulankaa kadib.
Follow us: @Araweelonews on Twitter | Arraale M Jama
Araweelo News Network
Somaliland Office
Email info@araweelonews.com
Jaamac132@gmail.com