Mogadishu(ANN)Raysal Wasaaraha Xukuumadda Federaalka Soomaaliya Cabdiwali Sheikh Axmed ayaa ugu baaqay dhinacyada ku dagaalamaya deegaamada Xara-dheere ee badhtamaha Somalia in ay deg deg u joojiyaan xabada iyo colaada, isla markaana isugu yimaadaan miiska wada hadalka.
Cabdiweli, wuxuu sheegay in dagaalada ka socda deegaankaa aanay ahayn kuwo loo samaynkaro cudur daar, isla markaana ay sababeen khasaare nafeed iyo barakac soo gaadhay dadka maatada ah.
“Dadka Walaalaha ah ee dirirtu ka dhaxayso waxaan ugu baaqayaa in ay xabad joojin deg deg ah ku dhaqaaqaan, kana waantoobaan colaadaha macno darada ah ee ku soo noq noqonaya deegaanka” ayuu yidhi Raysal Wasaare Cabdiweli, wuxuuna Maamulada gobolada dhexe ugu baaqay in ay door ka qaataan sidii loo damin lahaa Collaadaha ka jira deegaanka Xara-dheere.
Sidoo kale Raysal Wasaare Cabdiweli, wuxuu ugu baaqay Odayaasha dhaqanka, nabadoonada iyo ururada bulshada rayidka ah inay u istaagan joojinta colaadda oo ay u fidiyaan gogol nabadeed dadka dirirtu ka dhaxayso, si meesha looga saaro colaada, loona soo celiyo kalsoonidii ka dhaxaysey dadka walaalaha ah ee wada daga degaankaas.
Dagaalka oo ka dhacay deegaanka Xara- Dheere ee gobolka Galgaduud ayaa salka ku haya aanooyin qabiil, waxaana jira warar sheegaya in ay ku nafwaayeen dad gaadhaya ilaa 15 qof sidoo kalana ku dhaawacmeen ugu yaraan 20 qof oo kale, iyadoo uu dagaalku sababay in ay dadka deegaanka ee maatada ah qaarkood ka qaxaan guryohooda iyo goobihii ay deganaayeen, kuwaas oo aan helin wax gurmad ah.
Somaliland Office
ifo@araweelonews.com
jaamac132@gmail.com