Araweelo News Network.
Nairobi(ANN)-Raila Odinga oo lagaga adkaaday tartankii doorashada Madaxweyneha ee Kenya, ayaa Maxkaamdda Sarre u gudbiyay dacwad la xidhiidha natiijada doorashadii dhacday Kenya August 9, 2022.
Murrashaxa laga guulaystay ayaan weli aqbalin natiijada doorashada, wuxuuna maanta ka dhawaajiyay in kooxo musuqmaasuq ah ay doonayaan in ay gacanta ku dhigaan talada dalka Keneya, wuxuuna sidaa ku sheegay mar uu maanta warbaahinta la hadlay, kaddib markii uu sheegay in ay maxakamadda u gudbiyeen dacwad la xidhiidha natiijada doorashada.
Laxidhiidha: Guddoomiyaha IEBC Kenya Oo Shaaciyay Qorshayaal Lagu Shirqoolayay Guusha William Ruto
Madaxweynaha la doortay ee dalka Kenya, William Ruto oo isagu ku guulaystay doorashada, ayaa sheegay in uu diyaar u yahay in uu difaaco guushii uu ka gaadhay doorashada, isagoo si badheedha u sheegay inuu maxkamadda ka difaacayo guushiisa.
Natiijada doorashada oo dib u dhac ku yimi ayaa ugu danbayntii guddida doorashooyinku Isniintii lasoo dhaafay ku dhawaaqeen, iyadoo la shaaciyay guusha Wlliam Ruto oo si dirqi ah kaga adkaaday ninka la tartamayey ee Raila Odinga, isagoo helay 50.5% codadkii la dhiibtay, sida ku cad natiijada rasmiga ah.
Odinga ayaa markii shannaad ku hungoobay tartanka doorashada Madaxweyneha dalka Kenya, waxayna noqonaynsaa fursadii ugu danbaysay ee uu sameeyo isku dayga uu ku doonayo inuu kursiga ku fuulo.
Kenya ayaa marar baddan doorashooyinku ku yeesheen saamayn xun, iyadoo doorashadan ugu danbaysaygacan ka hadal iyo eeddaymo la xidhiidha ku shubasho codadka uu ku tilmaamay Mr Odinga, ayaa markii lagu dhawaaqay natiijada, wuxuu sheegay in aannu aqbalayn oo marayo dariiqyada sharciga.
Natiijada ayaa sababtay rabshado iyo dabaaldegyo is barbar socda oo dalka hadheeyay, iyadoo Kenya ay hore usoo aragtay doorashooyin natiijadooda dhiig baddan ku daato oo khilaaf iyo rabshado ku dhammaata.
Please share with your friends the news and information provided by Araweelo News Network.
Published by Araweelo News Network.
Follow us Twitter@Araweelonews
Facebook@AraweeloNews
By Arraale M Jama Freelance Journalist and Human Rights activist.
Araweelo News Network.
info@araweelonews.com