X
    Categories: Warar

Ra’iisal Wasaare Khayre Oo Kormeeray Cusbitaalka Hooyada Iyo Dhallaanka Banaadir

Ra’iisal Wasaare Xasan Cali Khayre oo booqday Cusbitaalka Banaadir

Muqdisho(ANN)-Ra’iisal Wasaaraha xukuumadda federaalka Soomaaliya (XFS), mudane Xasan Cali Khayre, ayaa kormeeray Cusbitaalka Hooyada iyo dhallaanka Banaadir oo dowladdu ay dib ula wareegtay horraantii sannadkan si uu qayb uga noqdo qorshaha horumarinta adeegyada caafimaad ee dalka.

Cusbitaalka Banaadir

Maamulka Custibaalka Banaadir oo Ra’iisal Wasaaraha uga war bixiyay xaaladda Cusbitaalka ayaa sheegay in isbitaalka adeeg caafimaad oo tayo leh lacag la’aanna ah loogu sameeyay 37,000 oo hooyooyin iyo carruur Soomaaliyeed ah oo 24,000 kamid ah ay yihiin carruur, intii u dhexeysay bilihii Feberaayo iyo September ee sannadkaan.

Ra’iisal Wasaare Xasan Cali Khayre oo bogaadiyay sida hufan ee maamulka Cusbitaalka iyo wasaaradda caafimaadku ay isaga xil saareen howl gelinta iyo horumarinta Cusbitaalka, ayaa sheegay in loo baahanyahay in howsha la ballaariyo si dhammaan bulshada Soomaaliyeed ay u helaan adeegga caafimaad ee ay u baahanyihiin.

Dowladda oo dadaal xooggan ugu jirta horumarinta caafimaadka bulshada, ayaa bishii labaad ee sannadkan dib ula wareegtay Cusbitaallada Banaadir iyo Martiini, waxaana dhawaan Ra’iiaul Wasaare Xasan Cali Khayre uu dhagax dhigay Xarunta Bangiga dhiigga oo qayb ka ah qorshaha horumarinta adeegyada caafimaad ee dalka

—DHAMMAAD—-

Xafiiska Warbaahinta iyo Xidhiidhka
Muqdisho, Soomaaliya

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, a platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post