Araweelo News Network
Hargeysa(ANN)-Hoggaamiyaha Xisbiga WADDANI Xirsi Cali Xaaji Xasan, ayaa sheegay in xaalada dalku ku jiro aanay muuqan jawi la yidhaahdo doorasho ha lagu qabto, maadaama ay jiro xaalad abaareed oo ku baahday dalka oo dhan.
Hoggaamiyaha WADDANI, wuxuu dhaliilay hoggaanka Xisbiga KULMIYE oo uu sheegay inay gashan yihiin muraayado cagaaran, wuxuuna ku baaqay in gamcaha lays qabsado oo la badbaadiyo dadka iyo Xoolaha.
Mr. Xisri oo ka hadalayay kulan Xisbiga WADDANI u sameeyey dhallinyarta Aqoonyahanka ah oo falan-qeynaayey barnaamij siyaasaddeedka Xisbiga WADDANI, oo lagu qabtay Hargeysa xalay, wuxuu sheegay in xaruntooda Kaanbaynku aanay ahayn Oodweyne ee ay noqonayso Gebilay, isla markaana ay haggayaan dhalinyaro aqoonyahan ah.
“Dhallinyartii halkan ka soo jeedisay barnaamijku aad iyo aad bay u mahadsan yihiin. Xisbiga himiladdiisa koowaad na waa in uu dalka iyo dadka dhiso, waa in uu diinteena sharafta badan dhiso, markaa himilooyinka noocaas ahi waxa ay ku qoran yihiin barnaamijka Xisbiga WADDANI, waana aad dhugan doontaan haddii Alle idmo. “.Ayuu yidhi Xirsi Cali Xaaji Xasan.
Halkan Ka Daawo qudbada Xirsi oo dhamaystiran:-
https://youtu.be/Z6KeDp5NjBU