Araweelo News Network
Qaraxa hore ayaa ka dhacay xafiiska dawladda Hoose, halka Qaraxa labaad daqiiqado kaddib ka dhacay isla goobtaasi, waxaana markaa kaddib bilaabmay tacshiirado rasaas ah oo dabo socotay qaraxyadaa oo loo adeegsaday Baabuur lagu soo xidhay waxyaabaha qarxa.
Dad goobjoogeyaal ah ayaa sheegay arkeen dad dhintay iyo kuwo kale oo dhaawacyo soo gaadheen oo loola cararay Cusbitaalka, waxyana dadkaas isugu jireen shacab iyo kuwo hay’addaha amaanka ka tirsan.
Ururka Al Shabaab ayaa sheegtay in ay ka dambeeyaan masuuliyadda weerarka qaraxyada ka dhacay Gaalkacayo.
Dhinaca kale Ra’iisul Wasaaraha Xukuumadda Federaalka Soomaaliya Mudane Cumar Cabdirashiid Cali Sharmaarke ayaa cambaareeyey weerar is-qarxin ah oo maanta lagu qaaday xarunta dawladda Hoose ee Degmada Gaalkacyo, halkaas oo naftooda ay ku waayeen dad isugu jirey shacab iyo masuuliyiin maamulka gobolka.
“Dowladda Somaaliyeed aad ayey u cambaareyneysaa weerarka lagu qaaday xarunta dawladda Hoose ee degmada Gaalkacyo, Waxaan leeyhay shacabka Gaalkacyo si wada-jira meel ha oga soo wada jeestaan dhagar-qabayaasha bartilmaameed sanaya shacabka iyo Madaxda”ayuu yidhi Ra’iisal Wasaare Cumar, wuxuna tacsi u diray ehelada dadkii iyo nafwaayay weerarka iyo dhammaan ummadda Soomaaliyeed. “Dadka dhintay waxaan Eebbe uga baryayaa inuu jannadii fardowsa ka waraabiyo dadka dhaawaca ahna uu caafimaad deg deg ah siiyo,” ayuu raaciyay.