Araweelo News Network
Muqdisho(ANN)-Wasiirkii Gaashaandhigga Dawladda Federaalka Soomaaliya Cabdirashiid Cabdullaahi Maxamed iyo Tliyihii Ciidamadda Soomaaliya Axmed Jimcaale Geedi (Cirfiid) ayaa iscasilay.t
Wasiirka Gaashaandhigga, ayaa warqad iscasilaad ah u gudbiyay golaha wasiirada, iyadoo laga aqbalay inuu xilkaa iska casilo, balse
wararka hordhaca ah, ayaa sheegaya in aan la ogayn sababta uu wasiirkii Gaashaandhigga isu casilay xiligan.
Sidoo kale Taliyihii ciidamadda xoogga dalka Soomaaliya, Axmed Jimcaale Geedi (Cirfiid) ayaa iscasilay, wuxuuna madaxweyne Maxamed Cabdullahi Farmajo si deg deg ah u magacaabay Taliye cusub kaas oo ah Janaraal Cabdi Jaamac Xuseen (Gorod)
magcaabista Taliyaha cusub, ayaa la sheegayaa in ay ka danbaysay kadib markii uu talo soo jeedin ahaan golaha wasiirada u dhex keenay , balse Taliyaha cusub ayaa ah nin aan wax badan laga aqoon, wuxuuna dowladdii madaxweyne Cabdiqaasim Salaad Xassan kasoo noqday wasiir.
Jeneraal Axmed Maxamed Jimcaale Cirfiid ayaa taliyaha ciidammada xoogga dalka loo magacaabay 6-dii bishii April ee 2017-ka, wuxuuna xilkaa hayay 7 bilood oo kaliya, Abaanduulaha ciidanka xoogga Soomaaliya ayaa Sidoo kale loo magacaabay xiligaas Jen, C/llaahi Cali Caanood.
Sidoo kale Wasiirka gaashaandhiga ee iscasilay Cabdirishiid, ayaa hore u ahaan jiray guddoomiyihii gobolka Bay, balse wuxuu kusoo baxay liiska golaha wasiirada 21-dii bishii March.
Dhinaca kale Shirka golaha wasiiradda ee maanta ee lagu aqbalay is casilaadiisa ayaa waxaa shir guddoominayay Ra’iisal Wasaare ku xigeenka dawladda Federaalka Soomaaliya Axmed Guuleed.