Araweelo News Network
Hargeysa(ANN)Xisbiga Daryeelka iyo Cadaaladda ee UCID, ayaa shaaciyay in xubinimadii xisbiga laga saaray Muj. Cali Maxamed Yuusuf (Cali Guray).
sidaana waxa lagu sheegay qoraal caawa kasoo baxay guddida ansahaxa ee xisbiga UCID, oo uu ku saxeexanyahay guddoomiyaha guddida anshaxa Cabdiraxamaan Axmed.
Qoraalka ayaa lagu sheegay in Muj. Cali Guray digniin hore loo siiyay digniin, balse uu ku joogsan waayay digniintaa, isla markaana waxay guddidu ku sheegeen qoraalkooda in qodobka 8aad ee guddida anshaxa oo ka duulaya awooddaha xeerka Xisbigu siiyay sida uu qeexayo qodobka 35aad, waxay guddidu xubinimadii xisbiga ka qaaday Muj. Cali Maxamed Yuusuf (Cali Guray). ayaa lagu yidhi qoraalka.
Dhinaca kale qoraalkan, ayaa kusoo beegmay iyadoo xisbiga UCID, maalmihii u danbeeyay khilaafkoodu cirka isku shareeray, kaas oo sababay Muj. Cali Guray iyo saraakiil kale Guddoomiyaha Xisbiga Eng. Faysal Cali Waraabe sheegay inuu xilalkii ay hayeen ka qaaday, balse Cali Guray, ayaa ku dooday in aanu guddoomiyuhu awood u lahayn inuu xilkaa ka qaado, taas oo sii kordhisay murankii iyo khilaafkii hoggaanka Xsibiga UCID oo warbaahinta ay isu adeegsadeen maalmihii lasoo dhaafay.