Araweelo News Network
Saraakiisha Dawlada Soomaaliya ayaa sheegay in Gen. Goobaale iyo Lix ka mid ah Ilaalidiisa lagu dilay qaraxaa, iyadoo ay jiraan dhaawacyo . kaddib markii qof nafii hure ah oo watay gaadhi aan weli noociisa la aqoonsan isku miidaamiyay xili uu Taliye Goobaale marayay Jidka Wadada Wersheddaha ee magaalada Muqdisho oo aan ka fogayn xarunta Wasaaradda Difaaca.
Gen. Maxamed Jimcaale Goobaale oo ahaa taliyihii qaybta saddexaad ee ciidammada qaranka Soomaaliya, waxa weerrarka lagu khaarajiyay sheegatay Ururka Al-shabaab, waxayna ku tilaameen mid qorshaysnaa oo muddo lala baadigoobayay in lagu khaarajiyo, iyagoo sheegay inuu ku lug lahaa hawlgalo qarsoodi ah oo iyaga ka dhan ah.
Dhinaca Raysal Wasaaraha Soomaaliya Cumar Cabdirashiid oo ka hadlay dilka Gen Goobaale oo ahaa Taliyihii Guutada saddexaad ee ciidanka xoogga dalka Soomaaliya, wuxuuna ku tilmaamay inuu ahaa shaqsi u adeegayay Qaranka, Kuna baxay gacanta Cadowga.
Raiisul Wasaaraha Xukuumadda Federaalka ah ee Soomaaliya Mudane Cumar Cabdirashiid Cali Sharmarke, wuxuu cambaareeyey weearkaa oo uu ku tilmaamay inuu ahaa mid bahalnimo ah, isagoo Tacsi u direy qoyskii uu ka baxay Marxuum iyo guud ahaan Ciidamadda Xoogga dalka oo ka tirsanaa Marxuumku.
Sidoo kale Weerrar saacado kaddib qaraxa ka dhacay Magaalada Muqdisho, ayaa lagu khaarajiyay Col. Cabdullaahi Sabriye oo ka tirsanaa Ciidanka Qaranka Soomaaliya, kaddib markii dablay hubaysan goobtaa ku weerrareen, isla markaana khaarajiyeen sida ay sheegayaan wararka ka imanaya magaalada Muqdisho, wuxuuna weerarkan noqonayaa noqnayaa kii labaad ee inta la ogyahay 12 saacadood ee lasoo dhaafay lagu khaarajiyay laba saraal oo Ciidamada Soomaaliya ka tirsan magaalada Muqdisho gudeheeda oo caan ku ah weerradad qaraxyada iyo dilalka qorshaysan.