Hawlgalka Oo Saamayn Ku Yeeshay 18 Marin Oo Caalami Ah
Araweelo News Network.
Taipei(ANN)- Millateriga Dalka Shiinaha, ayaa sii wada dhoolatuska cabsida abuuray ee ay ku hareereeyeen Jasiiadda Taiwan, taas oo ay sababtay cadho ay Shiinuhu ka qaadeen booqashadii Salaasadii dunida cabsida gelisay ee Haweenayda Afhayeenka Baarlamaanka Maraykanka.
Nancy Pelosi ayaa noqotay sarkaalkii ugu sareeyay ee ka socda Maraykanka oo booqasho ku taga dalka yar ee Jasiiradda Taiwan muddo 25 sano ah, waxayna booqashadeeda Taiwan uga faa’iidaysatay hadal ay ku muujinayso midnimo, iyadoo sheegtay in waddankeedu uu samayn doono wax kasta oo ay ku qaadato, si kor loogu qaado awoodda Taiwan ay isku difaacdo.
Millateriga Shiinaha, gaar ahaan ciidamada Badda iyo kuwa Cirka, ayaa sii wada dhoolarus Millateri oo ka socda lix aag oo ku xeerran Taiwan, halka wakaaladda wararka ee Shiinaha ee Xinhua ay sheegtay in dhoolatusku uu ahaa hawlgal wadajir ah oo diiradda lagu saarayo go’doominta, weerarrada bartilmaameedka badda, weerarrada bartilmaameedyada dhulka, iyo xakamaynta hawada.
Taliska milliteriga ee bariga Shiinaha, ayaa u xaqiijiyay warbaahinta in cubyo ka tirsan Ciidanka Xoraynta Dadka (PLA) “Waxay hirgeliyeen tababbarka toogashada tooska ah ee dab-damiska ee marin biyoodka Taiwan waxayna fuliyeen weerarro sax ah meelo gaar ah oo ku yaal qaybta bari ee marinka Taiwan,” taas oo kala qaybisa dhul weynaha Shiinaha iyo jasiiradda.
Bandhigga xoogga ah Shiinuhu ku hareereeyay marinnada maraakiibta caalamiga ah ee muhiimka ah, ayaa noqday mid carqaladaysa 18 waddo oo caalami ah, sida ay sheegtay Taiwan, waxayna maamulka Jasiiradda Taiwan sheegeen in ay xiisaddu ka dhalatay kaddib booqasho ay jasiiradda ku tagtay afhayeenka Aqalka Wakiilada Maraykanka Nancy Pelosi, oo ah siyaasigii ugu darajada sareeyay ee booqda 25 sano.
Please share with your friends the news and information provided by Araweelo News Network.
Published by Araweelo News Network.
Follow us Twitter@Araweelonews
Facebook@AraweeloNews
By Arraale M Jama Freelance Journalist and Human Rights activist.
Araweelo News Network.
info@araweelonews.com