Wasiirka ayaa hore ugu ballan qaaday Culimada Ehelu Suna Waljameeca. kaddib cabashooyin la rumaysan yahay inay ka dhasheen guddi xukuumaddu samasyay oo Culimo ah, taas oo ay Jameecadda Ahlu-suna waljameeca gaashaanka ku dhufteen, isla markaana kulan arrintaa la xidhiidha Wasiirka Arrimaha Gudduha Cali Waran-cade ugu qorsheeyay maanta ku beegnaa.
Balse kulanka Wasiirka iyo xubnaha Culimada ayaa dib loo riixay maalinta beri, iyadoo xubnaha Culimada iyo wasiirku aanay wax baddan iska weydiin ujeedada arrimihii kulankaa lagu faaqidi lahaa, isla markaana Wasiir Cali Waran-cade ayay Culimada Qaarkeed Saluug weyn ka muujiyeen Qaabka uu u qaabiley.
Kulanka maanta dib u dhacay ee ay lahaayeen Wasiirka Arrimaha Guddaha Somaliland iyo Culimada Ehelu Suna Waljameeca ayaa u jeedadiisu la xidhiidhay Adkaynta Amaanka iyo midaynta culimada iyo mad-habta Dalka ku dhaqanka diinta islaamka. sidoo kale waxa la filayay in lagu soo qaado ilaalinta dalka iyo dadka iyo in laga saaro waxyaabaha fikiradaha qaldan ee aan sharciga islaamka meela kaga jirin .
Culimadan ayaa Wasiirka ku adkeeyey in aanu dhayalsan kulankooda iyagoo xusay in la kulankoodu dalka iyo dadkaba Muhiimad gaara u leeyahay Waxaana Culimadii halkaasi ka hadashay ka mid ahaa, Sayid Maxamed Sayid Cabdilaahi X.Cilmi, Sh.C/raxmaan Yaasiin iyo Sh.Axmed Caabi Cabdi.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews.