Navigate
X
    admin
  • 7 years ago
    • Categories: Warar

Maxay Ka Wada Hadleen Madaxweynaha Soomaaliya Iyo Amiirka Dhaxalka Boqortooyada Sucuudiga Ee Awoodda Badan

Araweelo News Network

Riyadh(ANN)-Madaxweynaha dawladda Federaalka Soomaaliya  Maxamed Cabdullaahi Farmaajo, oo ku sugan dalka Boqortooyada Sucuudiga, ayaa  la kulmay Boqorka dalkaa Salmaan Bin Cabdi Casiis.

Madaxweyne Farmaajo oo qado sharaf loogu sameeyay Qasriga Nabadda ee magaalada Jeddah  waxa soo dhaweyntiisa ka qeybgalay Amiirro iyo Wasiirro ka tirsan Boqortooyada Sucuudiga.

Sida ay sheegtay Madaxtooyadda Villa Somalia, waxa  markaa kadib kulmay Madaxweyne Farmaajo iyo Amiirka leh Dhaxalka Boqortooyada Sucuudiga, Maxamed Bin Salmaan, isla markaana ah Wasiirka Difaaca.

Madaxweyne Farmaajo Iyo Amiir Maxamed Binu Salmaan waxay ka wada hadleen xoojinta xidhiidhka labada dal, maalgashiga, iskaashiga dhinacyada ganacsiga iyo la dagaallanka xagjirnimada, dhismaha iyo tayaynta Ciidamada Qalabka sida iyo mashaariic horumarineed oo ay dowladda Sucuudigu balanqaaday in ay ka fulineyso Soomaaliya.

Sidoo kale waxay ka wada hadleen qaddiyadaha xiligan ka taagan mandaqadda iyo caalamkaba.

Masuuliyiintii kale ee uu Madaxweynahu sida gaarka ah ula kulmay waxaa ka mid ah Wasiirka Arrimaha Dibadda Mudane Caadil Al-Jubeyr.

Dowladda Federaalka Soomaaliya waxaa wada hadallada uga qeybgalay Wasiirka Arrimaha Dibadda iyo Iskaashiga Caalamiga ah, Yusuf-Garaad Cumar, La-taliyaha Madaxweynaha ee Siyaasadda Arrimaha Dibadda Mudane Balal Maxamed Cusman iyo Danjiraha Soomaaliya ee Riyaad Mudane Daahir Maxamuud Geelle.

Dhanka Sucuudiga waxaa uga qeybgalay Amiirro iyo Wasiirro ka tirsan Boqortooyada oo ay kamid yihiin Wasiirka Arrimaha Dibadda iyo Wasiirka Maaliyadda.

 

admin: #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/
Related Post
  1. Somaliland: Maxaa Ku Cusub Shirka Gollaha Wasiirrada

    "Diyaaraddaha Caalamiga ah ee imanaya Somaliland, iyo shuruucda socdaalka ee la waafajinayo Rakaabka la socda…

  2. Somaliland:  Fadhiga Lagu Faaqiday Xaaladda Amniga Dalka Iyo Arrimaha Kale Ee Qaranka

    Araweelo_News_Network Hargeysa (ANN)- Golaha Wasiirrada ee Xukuumadda Madaxweyne Cabdiraxmaan Maxamed Cabdullahi (Cirro), ayaa lagu faaqiday…

  3. Madaxweynaha Somaliland Oo Xaqiijiyay Qorshihiisa Daryeelka Maxaabiista Iyo Manhaj Loo Diyaariyay Xabsiyada Dalka

    Araweelo_News_Network. Hargeysa (ANN)_-Madaxweynaha Jamhuuriyadda Somaliland  Cabdiraxmaan Maxamed Cabdilaahi (Cirro) ayaa maanta ka qayb galay munaasibad…