Araweelo News Network
Sida lagu faafiyay Wakaaladda wararka dalka Sacuudiga labada hggaamiye waxay ka wada hadleen cilaaqaadka labada dal iyo arrimaha amaanka ee mandaqada, waxayna si gaar ah usula soo qaadeen dagaalka Sucuudigu hormoodka u yahay ee Yemen I yo dagaalka Ethiopia kula jirto Ururka Al-shabaab ee Ciidamada ka jooga Somalia kula jiraan dagaalka, iyadoo Sucuudigu sheegay inuu ka taageerayo Ethiopia.
“u adeegaha Xaramaynka Boqor Salmaan Bin Cabdulcaziiz ayaa magaalada Riyaad ku qaabilay Madaxweynaha Ethiopia Dr. Mulatu Tesho, waxayna ka wada hadleen qadiyadaha mandiqadda geeska Afrika iyo la dagaalanka Argagaxisada”ayaa lagu yidi war ay faafisay wakaaladda Wararka Sacuudiga.
Kulanka labada hoggaamiye, wuxuu kusoo beegmay xilli dowladda Mareykanka ay sare u qaadday weerarada ka dhanka ah Al- Shabaab, iyadoo ee qaar ka tirsan dowladaha gacanka carabta horeba u taageereen weerarada lagu bartilmaameedsanyo xarumaha Al-shabaab ku leedahay Somalia.
Sidoo kale wuxuu kulankan kusoo beegmay xilli tan Iyo dhamaadkii sanadkii hore rabshado ka socdeen dalka Ethiopia, gaar ahaan deegaanka Oromia.
Dawlada Sucudiga ayaa hore xidhiidh diblamaasiyaeed ula lahayd dalka ay Ethiopia sida weyn colka u yihiin ee Eriteria, iyadoo hoggaamiyaha madaxa adag ee dalkaa Isaias Afewerki dhowaan mar uu booqasho ku tegey Riyad kulamo la yeedhay Amiir Salmaanka Sucuudiga oo ay ka wada hadleen taageero Sucuudiga iyo xulufadiisu u doonayaan dagaalka Yemen oo u muuqda mid siyaasad ahaan iyo Milateri ahaanba si weyn u fashiliyay xulufada sucuudiga.