#Araweelo News Network:
Baltimore, Maryland (ANN)-Biriishka weyn ee Dekedda Baltimore ee Maryland ayaa duntay Salaasadii kaddib markii markab weyn oo konteenar ah oo laga leeyahay Singapore uu jiidhay, kaas oo dhaliyay khasaare.
Markabka shilka geystay ayaa laga leeyahay dalka Singapore, waxaana lagu magacaabaa Dali, kaas oo lumiyay maamulkiisa markii uu ka soo baxayay deked u dhow, sida lagu sheegay warbixin aan la sifayn oo ka soo baxday Hay’adda Ammaanka Internetka iyo Kaabayaasha Dhaqaalaha ee Maraykanka oo uu daabacay The Wall Street Journal.
Saraakiisha ayaa sheegay in ilaa todoba baabuur oo xilligaa marayay Biriishka, iyadoo dhawr qof la waayay, ilaa liz qof ayaa la xaqiijiyay, balse waxa la helay mid ka mid dhawrkaa qof oo la waayay, halka baadidoon loogu jiro kuwii kale.
Arrinta shilka ayaa ku keentay khalkhal mid ka mid ah dekeddaha ugu mashquulka baddan Maraykanka ee Baltimore Beltway Maryland .
Masuuliyiintu Maraykanka ee Maryland ayaa sheegay in dhacdada kiiska Biriishka Francis Scott Key ee Baltimore ee dumay loola dhaqmay sidii shil khasaare geystay oo kale.
Biriishka ayaa ah mid ahmiyad weyn u leh isku xidhka, isagoo dherer ahaan gaadhaya 1.6-mayl, isla markaana afar- haad ah, wuxuuna ku fidsan yahay Webiga Patapsco oo ku xidha isgoyska ugu fog ee dekedda Baltimore Beltway oo lagu timaamo dekeddaha ugu waaweyn ee ugu muhiimsan Maraykanka.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
SUBSCRIBE to our YouTube channel for more videos: https://www.youtube.com/c/AraweeloTv
Written by Arraale M. Jama, a freelance journalist and human rights activist.
info@araweelonews.com