Araweelo News Network
Robert Mugabe
Harare(ANN)-Madaxweynihii Dalka Zimbabwe Robert Mugabe, ayaa aqbalay inuu xilkii iska casilo, sidaana, waxa warbaahinta u xaqiijiyay Afhayeenka Baarlamaanka dalka Zimbabwe Jacob Mudenda.
Robert Mugabe, wuxuu qoraal ku sheegay in uu iskii u go’aansaday go’aanka, si uu u fududeeyo awood wareejinta dalka Zimbabwe. kadib markii maalmihii u danbeeyay muran ka taagnaa inuu xilka sii hayo Madaxweynaha gaboobay ee halgamaaga ah.
Mugabe kuma xusin warqada uu ku qoray inuu iscasilay, mana sheegin cidda xilka kala wareegi doonta.
Markii lagu dhawaaqay in Madaxweyne Mugabe is casilay, waxaa si layaab leh u bilaabmay dabaaldeg iyo farxad ka billawday baarlamaanka, iyadoo shacabkuna billaabeen in ay waddooyinka waaweyn ku damaashaadaan.
Mugabe ayaa hore u diiday in uu xilka iska casilo, inkastoo ay awooddii la wareegeen ciidammadu toddobaadkii hore, mudahaaradyo baddan oo lagu dalbanayay inuu xilka ka degeno ay dhaceen.