Navigate
X
    admin
  • 9 years ago
    • Categories: Warar

Madaxweyne Siilanyo Oo Qasriga Madaxtooyadda Ku Qaabilay Wefdi Ka Socda Jaamacadda Carabtaa

Araweelo News News

Hargeysa(ANN)Madaxweynaha JSL Mudane Axmed Maxamed Silanyo ayaa xalay Qasriga Madaxtooyada casho sharaf ku qaabilay xubno ka socday Ururka Jaamacada Carabta oo uu hogaaminayey Ambassador Zayd Al Sabaan oo ah Ergeyga gaarka ah ee Xoghayaha guud ee Ururuka Jaamacada Carabta oo ay wehelinayeen Ambassador Cabdimuncim Cabdilcadiim oo ah Agaasinka Waxbarashada Sare, Ambassador Maxamed Cabdala Idiris oo ah Safiirka Jaamacada Carabta u qaabilsan Arrimaha Somaliland iyo Soomaliya iyo Mudane Axmed Naaji Bakaal oo ah Xubin sare oo ka socday Xafiiska Xidhiidhka Jaamacada Carabta iyo Africa.

Madaxweynaha Somaliland Axmed Maxamed Maxmuud (Siilanyo) oo Ambassador Zayd Al Sabaan oo ah Ergeyga gaarka ah ee Xoghayaha guud ee Ururka Jaamacada Carabta guddoonsiinaya hadyad


Dhanka Xukuumadda waxa kulankan Madaxweynaha ku wehelinayey Wasiirka Arrimaha Dibeda iyo Iskaashiga Caalamiga ah Dr Sacad Cali Shire, Wasiirka Madaxtooyada Mud. Maxamuud Xaashi Cabdi, Wasiirka Arrimaha Gudaha Mud. Cali Maxamed Warancade iyo Wasiirka Qorshaynta Qaranka Mud. Cali Xuseen Ismaaciil (Shoombe). Intii uu kulankani socday waxa lagaga wada hadlay adkaynta xidhiidhka ay Jamhuuriyadda Somaliland la leedahay Ururka Jaamacada Carabta iyo doorka ay Jaamacada Carabtu ka qaadan karto bernaamijyada horumarineed ee ka socda Jam. Somaliland. Dhinaca kale waxa iyana la isla soo qaaday sidii Ururka Jaamacadda Carabtu ay u ixtiraami lahaayeen qadiyada Somaliland.

Kulankan uu Madaxweynuhu la yeeshay weftigii ka socday Ururka Jaamacadda Carabta ayaa ku soo beegmaya xilli ay Xukuumaddu si weyn u dar-dar galisay isla markaana dedaalo dheeraad ah galisay tayaynta xidhiidhka ay Jam. Somaliland la leedahay Dunida Carabta. Xukuumaddu waxay daruuri iyo lagama maarmaanba u aragtaa inay la timaado qorshe iyo weji siyaasadeed oo fur-furan oo ka duwan kii ay Somaliland hore ugula dhaqmi jirtay Dunida Carabta. Qorshahani wuxuu hagayaa oo uu si cad uga tarjumayaa baahiyaha uu leeyahay Qaranka Jam. Somaliland ee ku wajahan xidhiidhka dhinacyada badan leh ee uu dalkeenu la leeyahay Dunida Carabta.

Guntii iyo gebagabadii, kulankani wuxuu ku soo dhamaaday is faham, isu soo dhawaansho iyo balanqaadyo hor leh halkaasoo Madaxweynaha Jamhuuriyadda Somaliland uu waftiga ku guddoonsiiyey hadiyad ka Turjumaysa Astaanta Qarannimada Jam. Somaliland. Madaxweynuhu wuxuu weftigii ka socday Ururka Jaamacadda Carabta ku baraarujiyey sida ay Somaliland uga baahan tahay hagar-bax iyo hiilba, gaar ahaan dhinacyada mashaariicda horumarinta, iskaashiga aqoonta iyo deeqaha Waxbarashada iyo ka qayb qaadashada adeegyada guud ee lagama maarmaanka u ah tayaynta Nolosha Bulshada.

Follow us: @Araweelonews on Twitter | Arraale M Jama

Araweelo News Network

Somaliland Office
Email info@araweelonews.com
Jaamac132@gmail.com

admin: #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/
Related Post
  1. Madaxweynaha Somaliland Oo Madaarka Boorama Iyo Mashaariic Uu Ku Fulinayo Balamihiisa Gobolka Bilaabay

    Madaxweynaha Ayaa Shacabka Ugu Busheereeyay inuu Dalkiisa Imanayo Ugaas Doodi Oo Dibad-meer ahaa muddo dheer…

  2. Somaliland Madaxweynaha Oo Ka Hadlay Dilalka Saraakiisha Iyo Mawqifka Xukuumaddiisa

    #Araweelo_News_Network Hargeysa(ANN)-Madaxweynaha Jamhuuriyadda Somaliland, Cabdiraxmaan Maxamed Cabdilaahi (Cirro) oo hoggaaminaya wefti ballaadhan oo safar shaqo…

  3. Madaxweyne Ku Xigeenka Somaliland Oo Ka Digay Dhibaatooyinka Qabyaalada Canaana Usoo Jeediyay Ganacstada Iyo Wasaaradda Warfaafinta

    #Araweelo_News_Network Hargeysa(ANN)-Madaxweyne ku xigeenka Somaliland Maxamed Axmed Aw Cali, ayaa ka dayriyay xaaladda qabyaaladeed ee…