X
    Categories: Warar

Madaxweynaha Somaliland Oo Ka Qayb-galay Aas qaran Oo Loo Sameeyey Marxuum General Cismaan Dacas

Araweelo News Network

Hargeysa(ANN)-Madaxweynaha Jamhuuriyadda Somaliland, Mudane Muuse Biixi Cabdi, ayaa ka qayb-galay Janaasadda marxuum General Cismaan Cawad Xaashi (Cismaan Dacas) oo ka tirsanaa saraakiishii salka u dhigay ciidamada qaranka Jamhuuriyadda Somaliland, xilal kala duwanna kasoo qabtay ciidanka oo maanta lagu aasay xabaalaha Baqiic ee duleedka Waqooyi ee caasimadda Hargeysa.

Madaxweyne Muuse Biixi Cabdi, ayaa hadallo kooban oo ka jeediyey goobta aaska, waxa uu kaga sheekeeyey doorkii lama illaawaanka ahaa ee uu marxuumku ku lahaa aas-aaska ciidamada qaranka iyo sidii uu naftiisa ugu huray inay Somaliland yeelato ciidan taabbo-gal ah oo difaaca, waxaana isaga oo arrimahaas ka hadlaya uu yidhi,“Marxuumku ilaa maalintii uu ciidanka galay ilaa maanta oo uu geeriyooday nin ciidanka u shaqeeya ayuu ahaa, halgankii SNM-na ciidamada Bariga ayuu haysan jirey, markii dalka lasoo galayna ciidanka qaranka raggii aas-aasay ee ciidanka qaranka Somaliland salka u dhigay buu ahaa, taliyihii labaad ayuuna ahaa, in muddo ah wuu xanuunsanayey, intii uu noolaana dadkii qarankan noloshooda u huray, ayuu ahaa.”

Madaxweynuhu waxa uu marxuumka eebbe uga baryey inuu jannooyinkiisa ku macsuumo, ehellada, qaraabada, qoyska iyo guud ahaanba qaranka Somaliland-na samir iyo Iimaan degdeg ah ka siiyo.

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, is a Associated Online Agenciesa platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post