X
    Categories: Warar

Somaliland: Madaxweynaha Oo Qaabilay Aqoonyahan Dunida u Bandhiga Qaddiyadda Somaliland

WAR-SAXAAFADEED

Hargeysa(ANN)-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta xafiiskiisa ku qaabilay Aqoonyahan Michael Rubin oo ah madaxa maxadka American Enterprise Intitute isla markaana ah khabiir wax badan ka qoray qaddiyadda madax-bannaanida, Dimuqraaddiyadda iyo horumarka Somaliland ka hanaqaaday oo uu in badan beesha caalamka u bandhigay.

Aqoonyahankan ayaa qadiyada Jamhuuriyadda Somaliland ugu dooda warbiximo iyo qoraalo uu la wadaago warbaahinta caalamka, isagoo beesha caalamka u sharaxa dawlad-wanaaga, horumarka iyo doorashooyinka ka hirgalay Somaliland oo ay waddamo badan oo caalamka ah ay kaga horumarsan tahay.

Madaxweynaha Jamhuuriyadda Somalilandna waxa uu aqoonyahankaa ku bogaadiyey sida uu ugu doodo qadiyada Madax-bannaanida iyo horumarka Somaliland uguna heelan yahay inuu wax ka qoro.

Aqoonyahankan oo ka dareen celinaya safarkiisa uu ku yimid Dalka Somaliland oo uu in badan wax ka qoray ayaa madaxweynaha u sheegay inuu ku faraxsan yahay imaatinka dalka uu u doodo ee Jamhuuriyadda Somaliland, Wuxuuna booqandoonaa goobo muhiima oo ka mida dalka, isagoo ku hawlan sidii uu beesha caalamka ula-wadaagi lahaa heerka waxbarashada tacliinta sare ee dalku ku tallaabsaday, madaama uu maamulo xarun waxbarasho oo heer caalami ah kuna taala dalka Maraykanka.

ALLAA MAHAD LEH

Maxamuud Warsame Jaamac
Af-hayeenka Madaxweynaha JSL.

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, a platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post