Michael D Higgins Madaxweyaha Ireland oo qasrigiisa ku qaabilay Madaxweynaha Somaliland Axmed Silanyo
Ireland(ANN)Madaxweynaha Jamhuuriyadda dalka Ireland Mud. Michael D Higgins oo uu Wehelinayo Taliyaha Guud ee Ciidamada Dalka Ireland Vice Admiral Mark Mellet (DSM) ayaa maanta Qasriga Madaxtooyada Dalkaas ku qaabilay Madaxweynaha Jamhuuriyadda Somaliland Mudane Axmed Maxamed Maxamuud (Siilaanyo) iyo Wafdigii uu hoggaaminayay oo booqasho rasmi ah ku jooga dàlka Ireland.
Madaxweynaha Waddanka Ireland Mudane Michael Higgins ayaa tilmaamay sida uu ugu faraxsan yahay booqashada Madaxweynaha Somaliland Mud. Axmed Silaanyo waftigiisu ku yimaadeen Dalkkiisa, waxaana uu tilmaamay in waxaana uu tilmaamay in Xidhiidh hore oo soo jireen ahaa uu u dhaxeeyo labada Waddan iyo labada Ummadood, waxaana uu uu sheegay in Dalka Ireland uu diyaar u ahay in Jamhuuriyada Somaliland uu la yeesho xidhiidh cusub, kana caawiyo wax kasta oo suurto galin kara sii xoojinta Horumarka iyo Nabadgelyada ka hanaqaaday Dalka Somaliland, wuxuuna Madaxweynaha JSL ku ammaanay tariikhda hoggaamineed iyo dalaalkiisa shakhsino ee uu kaga qayb qaatay dibudhiska waddan ku yaala goob colaado hadheyeen
Waxaa isaguna halkaas ka hadlay Taliyaha Guud ee Ciidamada dalka Ireland oo ay wehelinayeen saraakiisha u sarraysa qaybaha Ciidamada Dalka Ireland, waxaana uu sharraxaad ka bixiyay hawlgalada kala duwan ee Ciidamadda Ireland iyo kaalinta ay kaga jiraan Xasilinta nabadgelyada Dunida isaga oo uu tilmaamay in 16 Waddan oo Caalamka ka mid ah ay joogaan kana hawlgalaan ciidaadda Ireland.
ka bilaw midig Sabina Higgins Marwada iyo Madaxweynaha Ireland,Michael D Higgins iyo Madaxweynaha Somaliland Axmed Silanyo iyo Maradiisa Aamina Weris.
Taliyaha Guud ee Ciidamada Dalka Ireland Vice Admiral Mark Mellet (DSM) iyo Wasiirka Arrimaha Dibadda Somaliland Maxamed Biixi Yoosnis Qasriga Madaxtooyadda Ireland 06 Oct, 2015
Sidoo kale Madaxweynaha Somaliland Axmed Maxamed Maxamuud (Siilaanyo) ayaa isaguna si balaadhan u sharraxay taariikhda dheer ee ay soo mareen Shacbiga reer Somaliland iyo sida ay uga qayb qateen Xasiloonida Mandaqada Geeska Afrika, waxaana uu Madaxweyne Siilaanyo sheegay in lasoo gaadhay xiligii Dunidu ay Aqoonsan lahayd Madaxbanaanida Jamhuuriyada Somaliland, isagoo ka codsaday Madaxweynaha Dalka Ireland inay ku dhiiradaan bilaabida talabadaas oo ah Himilada ugu weyn ee Shacbiga rer Somaliland su gayaan. Waxaa iyaguna sdoo kale halkaas hadalo ka soo jeediyay Wasiirrada Arrimaha Debeda, Madaxtooyada, Caafimaadka iyo Warfaafinta Somaliland.
Dhinaca kale Marwada Koowaad Marwada Koowaad ee Dalka Ireland Marwo Sabina Higgins ayaa iyaduna dhinaceeda si diirran qasriga Madaxtooyada ugu soo dhowaysay Marwada Somaliland Aamina Maxamuud Jirde (Aamina Weeks) Marwo Sabina Higgins ayaa si balaadhan sharraxaad uga bixisay taariikhda Dalka Ireland waxaanay Marwo Sabina Qaybaha Qasriga Madaxtooyada ku soo wareejisay Marwada Koowaad ee jamhuuriyada Somaliland. Waxaa iyaduna halkaas si mug leh uga hadashay Marwo Aamina Weris Maxamuud Jirde iyada oo si balaadhan u faahfaahisay taariikhda iyo halganka ay Ummada Somaliland usoo mareen xorriyadooda iyo doorka looga baahan yahay dunidu inay ku taageerto sidii qaranka Somaliland u noqon lahaa dal la aqoonsado so dadkiisu horumar iyo bàrwaaqo u gaadho.” Sidaa waxa lagu yidhi qoraal kasoo baxay xafiiska xidhiidhka Warbaahinta ee Madaxtooyada Somaliland oo uu ku saxeexanyahay Xoghayaha xidhiidhka Warbaahinta ee Madaxtooyadda Naasir Yuusuf Daahir, isla martkaana uu soo tebiyay Weriyaha Wefdiga Madaxweynaha Muniir Axmed Cigaal.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews
WhatsApp + 252 63 442 5380
Send an SMS or MMS to + 252 63 442 5380