X
    Categories: Warar

London: Cabsi Soo Waajahday Garoonka Labaad Ee Ugu Wayn Britain Oo Sababtay In La Joojiyo Duulimaadyada Gatwick

Gatwick

London(ANN)-Cabsi soo waajahday Garoonka diyaaradaha caalamiga ah ee Gatwick ee Magaalada Londan oo ah dhabaha labaad ee ugu mashquulka bada cariga Ingiriiska, ayaa hakad la geliyay howlihiisii duulimaadka, kaddib marki ay soo waajahday xaalad cabsiyeed.

Garoonka ayaa laga joojiyay diyaaradaha kadib markii la arkay dhowr diyaaradood oo ah kuwa aan duuliyaha laheyn ee loo yaqaano drone-ka oo dul heehaabaya, waxayna arrintaasi sababtay in dib loo dhigo duulimaadka kumannaan qof oo meelo kala duwan uga safri lahaa, kuwaas oo qaarkood fasaxa ciida masiixiga dartiis u bixi lahaa.

Ciidamo badan oo ka mid ah kuwa Booliska Iyo Hay’addaha Amaanka oo la geeyay halkaa, kuwaas oo ku mashquulsan sidii ay u oggaan lahaayeen waxa yihiin diyaaradaha Cabsida abuuray.

Maareeyaha garoonka Gatwick, Chris Woodroofe. ayaa sheegay in muddo 24 saacadood oo kale ay hakad ku jiri doonaan howlaha garoonka, waxayna arrintaasi jaah wareer ku riday in ka badan 150 kun oo rakaab ah oo tan iyo Arbacadi shalay ilaa Khamiista maanta la filayay in ay ka dhoofaan garoonka.

Sharciga Britain, ayaa qaba inaanan diyaaradaha daroonka loo yaqaano aanan loo soo dhaweyn karin garoomada ay ka duulaan diyaaradaha madaniga masaafo dhan 1 km. Qofki ku xadguba sharcigaa, ayaa wajahayaa xabsi dhan shan sano.

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, a platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post