Sida lagu sheegay eedeyntaa oo la soo bandhigay Isniin 20 April, ah, waxa Lixdaa Nin loo heystaa inay maleegayeen iskuna dayeen inay taageero maadi ah siiyaan urur argagixiso oo shisheeye.
War ka soo baxay xafiiska xeer ilaaliyaha guud ee Gobolka Minnesotta ayaa lagu sheegay raggan dacwadda lagu soo oogay magacyadooda, Mohamed Farah, Adnan Farah, Abdirahman Daud, Guled Omar, Hanad Musse iyo Zacharia Abdurahman, waxaana warbixinta lagu sheegay inay xidhiidh la sameeyeen, nin lagau magacaabo Abdi Nur, oo ah nin u tashkiiliya argagixisada dhalinyarada reer galbeedka.
Sidoo kale waxa lagu eedeeyay Lixdaa Nin sida lagu sheegay warbixinta inay doonayeen inay u safraan Syria, iyagoo ka duulaya garoomada San Diego iyo New York City, laakiin hey’addaha amaanka ay ka hor joogsadeen inay u safraan halkaa.
Xeer ilaaliyaha Gobolka, Andrew M. Luger, ayaa sheegay in xitaa iyadoo la hor joogsaday raggan inay safraan ay haddana isku dayeen inay sameeyaan siyaabo kale oo ay dalka kaga dhoofaan, balse aanay u suurta gelin. Sida uu sheegay Xeer Ilaaliye Mr.Andrew.
Gobolka Minnesotta ee cariga Maraykanka, ayaa ah kuwa ay ku noolyihiin Somalida ugu baddan Mareykanka, waxaana marar baddan ka tegey halkaa dhalinyaro jihaad doon ah, kuwaas oo tan iyo 2008, ku qulqulayay dhinaca Al-shabaab iyo kooxaha jihaadiyiinta ah, balse sanadii u danbeeyay markii ay dalalka Syria iyo Ciraaq ka samaysmeen kooxda Daacish ISIS oo dawlad Islaam ah kaga dhawaaqay halkaa, waxa u haajiray boqolaal dhalinyaro ku noolaa dalalka Maraynka, Yurub iyo wadamada Khaliijka, kuwaas oo ay Soomaalida dhalinyaro Wiilal iyo Hablo safka hore kaga jhiraan.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews.