Liiska Magcaabista Wareegtooyinka Madaxweynaha Ee Xilalka Cusub
#Araweelo_News_Neywork
Hargeysa (ANN)-Madaxweynaha Jamhuuriyadda Somaliland, Cabdiraxmaan Maxamed Cabdillaahi (Cirro) waxa uu maanta oo ay taariikhdu tahay 16/01/2025 , soo saaray wareegtooyin uu ku Shaaciyay xilalka masuulyiin cusub oo xilal kala duwan.
Wareegtada koobaad ee Madaxweynaha oo summadeedu tahay JSL/XM/WM/222-035 /012025, wuxuu ku magacaabay Masuuliyiinta Baanka Dhexe.
Waxaanay u dhignayd Wareegtada Madaxweynuhu Sidan:-
Wareegto Madaxweyne
Magacaabid
Markii aan arkay: Qoddobka 90aad ee Dastuurka Jamhuuriyadda Somaliland;
Markii aan tixgeliyey: Xeerka Baanka Dhexe ee Xeer Lr 54/2012;
Markii aan tixgeliyey: Ahmiyadda uu Baanka Dhexe ee Jamhuuriyadda Somaliland u leeyahay Horumarka iyo koboca dhaqaalaha ee dalka;
Markii aan arkay: Aqoontooda, kartidooda, iyo waayo-aragnimadooda;
Markii aan ku qancay: In ay hanan karaan mas’uuliyadaha ka dhalanaya xilalkan hoos ku xusan;
Markii aan sameeyey: La-tashi;
Waxa aan go’aamiyey laga bilaabo taariikhda maanta;
1. In Cabdinaasir Axmed Xirsi Maxamed uu ahaado Guddoomiyaha Baanka Dhexe ee Jamhuuriyadda Somaliland.
2. In Xamse Cabdiraxmaan Kheyre Coofle uu ahaado Guddoomiye Ku-xigeenka Baanka Dhexe ee Jamhuuriyadda Somaliland.
3. In Yaasiin Jaamac Axmed Shide (Calase) uu ahaado Agaasimaha Guud ee Baanka Dhexe ee Jamhuuriyadda Somaliland
Wareegto Madaxweyne
Madaxweynaha Jamhuuriyadda Somaliland, Cabdiraxmaan Maxamed Cabdillaahi (Cirro) waxa uu maanta oo ay taariikhdu tahay 16/01/2025 uu wareegto Madaxweyne oo summadeedu tahay JSL/XM/WM/222-036 /012025 uu ku magacaabay Agaasimeyaal Guud oo Cusub.
Wareegto kale oo Madaxweynuhu soo saaray ayaa u dhignayd Sidan:-
Magacaabid
Markii aan arkay: Qoddobka 90aad ee Dastuurka Jamhuuriyadda Somaliland;
Markii aan arkay: Aqoontooda, kartidooda, iyo waayo-aragnimadooda;
Markii aan tixgeliyey: Ahmiyadda ay Agaasimayaasha Guud ay u leeyihiin u adeegidda dadweynaha Jamhuuriyadda Somaliland iyo dhismaha Qaranka;
Markii aan ku qancay: In ay hanan karaan mas’uuliyadaha ka dhalanaya xilalkan hoos ku xusan;
Markii aan sameeyey: La-tashi;
Waxa aan go’aamiyey;
In laga bilaabo taariikhda maanta aan xilalkan u magacaabo mas’uuliyiinta hoos ku xusan:
1. Muniir Axmed Cigaal Faarax Agaasimaha Guud ee Wasaaradda Madaxtooyada ee Jamhuuriyadda Somaliland.
2. Cabdishakuur Ismaaciil Xuseen Kaahin Agaasimaha Guud ee Wasaaradda Shaqada, Arrimaha Bulshada & Qoyska ee Jamhuuriyadda Somaliland.
3. Cabdirisaaq Axmed Gaas Faarax Agaasimaha Guud ee Wasaaradda Horumarinta Beeraha ee Jamhuuriyadda Somaliland
4. Cabdalla Maxamed Yuusuf Cabdi Agaasimaha Guud ee Wasaaradda Diinta iyo Awqaafta ee Jamhuuriyadda Somaliland.
5. Dr Axmed Maxamuud Jaamac (Zaki) Agaasimaha Guud ee Wasaaradda Horumarinta Caafimaadka ee Jamhuuriyadda Somaliland.
6. Cabdiraxmaan Xuseen Xaaji Xirsi Agaasimaha Guud ee Wasaaradda Waxbarashada, Barbaarinta iyo Sayniska ee Jamhuuriyadda Somaliland
7. Axmed Cismaan Jaamac Faarax Agaasimaha Guud ee Wasaaradda Xannaanada Xoolaha iyo Horumarinta reer Miyiga ee Jamhuuriyadda Somaliland.
8. Siciid Muuse Xoosh Coofle (Rooble) Agaasimaha Guud ee Hay’adda Shaqaalaha Dawladda ee Jamhuuriyadda Somaliland.
9. Aadan Jaamac Ducaale Barre Agaasimaha Guud ee Komishinka Tacliinta Sare ee Jamhuuriyadda Somaliland.
Wareegto kale oo Madaxweynaha Jamhuuriyadda Somaliland, Cabdiraxmaan Maxamed Cabdillaahi (Cirro) maanta soo saaray oo ku taariikhaysan 16/01/2025 oo summadeedu tahay JSL/XM/WM/222-037/012025 uu ku magacaabay Masuuliyiinta Hay’addaha Shaqaallaha Dawladda ugu saraysa.
Waxaanay u dhignayd Wareegtada Madaxweynuhu Sidan:-
Wareegto Madaxweyne
Magacaabid
Markii aan arkay: Qoddobka 90aad ee Dastuurka Jamhuuriyadda Somaliland;
Markii aan tixgeliyey: Xeerka Shaqaalaha Dawladda ee Xeer 97/2022.
Markii aan tixgeliyey: Ahmiyadda Hay’adda Shaqaalaha Dawladdu u leedahay dhismaha Qaranka Jamhuuriyadda Somaliland
Markii aan arkay: Aqoontooda, Kartidooda, iyo Waayo-aragnimadoodaba, isla markaana in ay hanan karaan mas’uuliyadaha ka dhalanaya xilalkan;
Markii aan sameeyey: La-tashi;
Waxa aan go’aamiyey;
1. In Cabdicasiis Xirsi Warsame Geelle uu ahaado Guddoomiyaha Hay’adda Shaqaalaha Dawaladda ee Jamhuuriyadda Somaliland.
2. In Xasan Xuseen Cabdi (Xaydar) uu ahaado, Guddoomiye Ku-xigeenka Hay’adda Shaqaalaha Dawaladda ee Jamhuuriyadda Somaliland
3. In Cabdirashiid Maxamed Warsame uu ahaado Xubin ka mid ah Guddida Hay’adda Shaqaalaha Dawladda ee Jamhuuriyadda Somaliland.
4. In Maxamed Axmed Xasan Jabarti Saadle, uu ahaado Xubin ka mid ah Guddida Hay’adda Shaqaalaha Dawladda ee Jamhuuriyadda Somaliland.
5. In Sakariye Cabdiraxmaan Ismaaciil Carraale, uu ahaado Xubin ka mid ah Guddida Hay’adda Shaqaalaha Dawladda ee Jamhuuriyadda Somaliland.
6. In Ibraahim Ducaale Boos uu ahaado Xubin ka mid ah Guddida Hay’adda Shaqaalaha Dawladda ee Jamhuuriyadda Somaliland.
7. In Mustafe Maxamed Cawil Diiriye uu ahaado Xubin ka mid ah Guddida Hay’adda Shaqaalaha Dawladda ee Jamhuuriyadda Somaliland.