Garoowe(ANN)-Khilaaf cirka isku shareeray, ayaa u dhexeeya hoggaanka maamul goboleedka Soomaaliya ee Puntland, kadib markii Madaxweyne ku xigeenka Puntland Cabdixakiim Xaaji Cumar Camey qoraal uu soo saaray ku magacaabay guddiga xalinta khilaafaadka soo xulista xubnaha Barlamaanka Puntland.
Magacaabista Madaxweyne ku xigeenka maamul goboleedka Puntland, ayaa soo baxday saacado kadib markii uu madaxweyne Cadbiwali Gaas uu soo magcaabay xubano uu sheegay in ay yihiin kuwa la doonayo in ay xaliyaan khilaafka ka dhasha tartanka doorashada ee lagu soo xulayo Baarlamaanka oo dooranaya Madaxweynaha iyo ku xigeenka Puntland oo ay ku tartamayaan murrashaxiin baddan.
Madaxweyne ku xigeenka Puntland Cabdixakiim Xaaji Cumar Camey, ayaa ku sheegay magacaabista guddiga ee Gaas mid aan sharci ahayn oo aan isaga lagala tashan sidaas daraadeed uu magacaabay guddida kale.
Khilaafka u dhaxeeya hoggaanka maamulka isku magacaabay ‘Puntland’ ayaa sababay in murrashaxiintu ku kala qaybsamaan, waxaana lala xidhiidhiyay khilaafkan mid sii xoogeysanayay bilihii lasoo dhaafay, isla markaana salka ku haya ismariwaaga u dhaxeeya dowladda Federaalka iyo maamul goboleedyada, iyadoo Madaxweyne ku xigeenka Puntland hore u sheegay in aanu fahmin sababta loo sameeyay golaha maamul goboleedyada isu bahaystay xukuumadda Madaxweyne Farmaajo.