Araweelo News Network
Washington(ANN)Hoggaamiyaha maamul goboleedka Somalia ee Puntland ayaa ku baaqay in ciidamada shisheeye ee ku sugan Somalia laga saaro, isagoo sabab uga dhigay in aanay waxba soo kordhin joogitaakoodu.
Mr. Cabdi Wali Gaas, wuxuu sidaa ka sheegay mar uu boqolaal qof oo Soomaalida ku dhaqan Maraykanka kula hadlayay munaasabad ka dhacday dalka Mareykanka oo booqasho uu ku joogo, wuxuuna xusay in joogitaanka ciidamada AMISOM aanay wax dan a ugu jirin shacabka soomaaliyeed. Sidaa awgeed, wuxuu ugu baaqay maamullada Soomaalida sida Dawlada Federaalka ah in ay ku dadaalaan sidii ay Ciidamada AMISOM dalka uga saari lahaayeen.
Madaxeynaha Maamul goboleedka Somalia ee Puntland Cabdi Wali Gaas, wuxuu carrabka ku adkeeyay in mushaarka ay qaataan ciidamada AMISOM uu Toban Jibaar kabadan yahay ka ay qaataan askarta iyo shaqaalaha dowladda Federaalka. Sidaa awgeed ay ka dhigan yihiin ciidan calooshood u shaqeystayaal ah oo danahooda ujooga Soomaaliya.
Puntland ayaa kamid ah maamullada laga sameeyay Somalia ee sida weyn ugasoo horjeeda dawlada Federaaka oo marar badan ay sheegeen in aanay aqoonsanayn.