Navigate
X
    admin
  • 9 years ago
    • Categories: Warar

Guddoomiye Cirro Oo La Shaaheeyey Qaar Ka Mid ah Shacabka Ceerigaabo

Araweelo News Network

Ceerigaabo(ANN)Guddoomiyaha xisbiga mucaaradka ah ee WADDANI Md.Cabdiraxmaan Maxamed Cabdillaahi (Cirro) oo maalmahii ugu dambeeyey isaga iyo wefti uu hoggaaminayey ay magaalada Ceerigaabo ku joogeen socdaal lagu ay ku wacyi-gelinayaan qaadashada kaadhka diiwaan-gelinta codbixiyeyaasha Somaliland, ayaa maanta boqolaal ka mid ah shacabka magaalada Ceerigaabo kala shaaheeyey maqaaxida caan ka ah ee Kofeega oo ku taala galbeedka magaaladaasi.

Waxaana booqashadan guddoomiye Cirro ku wehelinaayey xubno ka mid ah xisbiga WADDANI, Xildhibbaanada la kala yidhaahdo xildhibbaan Ibraahim Jaamac Cali (Rayte) iyo Cabdiraxmaan Yuusuf Cartan oo labada ba laga soo doortay deegaankan Ceerigaabo, Salaadiin iyo Cuqaal ay horkacaayeen Suldaan Shaadhcase, Boqor Cabdi Cadde iyo Jiif Caaqil Maxamuud Cali Maxamuud iyo weliba sida oo kale haween, dhallinyar iyo dadweyne kale oo aad u tira badan ku waasi oo uu sii joogay goobta uu guddoomiyahu ka shaaheynaayey.

Dadweynahii halkaas ku sugnaa, ayaa dhammaantoodba waxa ay ka sinnaayeen soo dhaweynta guddoomiye Cirro iyaga oo ku dhawaaqayey hadalo ay ku muujinayaan dareenkooda rabitaan iyo weliba sida oo kale heelanaanta ay u qabaan hoggaamintiisa, iyaga oo ifiyey in ay ka shacbi ahaan ay taageero buuxda ay u hayaan xisbiga WADDANI isla mar ahaantaana ay hormuud u yihiin isbedel dhabba oo ka hirgela guud ahaan dalka.

Ugu dambeyntiina, kaftan iyo wada-sheekaysi badan ka dib oo uu guddoomiye Cirro la wadaagay shacabkii uu halkaas kula kulmay, ayaa waxa uu kula dardaarmay in ay ka qeyb-qaataan diiwaan-gelinta codbixiyeyaasha Somaliland si ay uga dhabeeyaan isbedelkooda rabbitaan ee ay ugu heelan yihiin siddii dalka loogga hirgelin lahaa dawlad ku dhisan cadaalad, sinnaan iyo horumar.

admin: #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/
Related Post
  1. Somaliland: Maxaa Ku Cusub Shirka Gollaha Wasiirrada

    "Diyaaraddaha Caalamiga ah ee imanaya Somaliland, iyo shuruucda socdaalka ee la waafajinayo Rakaabka la socda…

  2. Somaliland:  Fadhiga Lagu Faaqiday Xaaladda Amniga Dalka Iyo Arrimaha Kale Ee Qaranka

    Araweelo_News_Network Hargeysa (ANN)- Golaha Wasiirrada ee Xukuumadda Madaxweyne Cabdiraxmaan Maxamed Cabdullahi (Cirro), ayaa lagu faaqiday…

  3. Madaxweynaha Somaliland Oo Xaqiijiyay Qorshihiisa Daryeelka Maxaabiista Iyo Manhaj Loo Diyaariyay Xabsiyada Dalka

    Araweelo_News_Network. Hargeysa (ANN)_-Madaxweynaha Jamhuuriyadda Somaliland  Cabdiraxmaan Maxamed Cabdilaahi (Cirro) ayaa maanta ka qayb galay munaasibad…